【馮仁昭四圍超】聖誕人唔見禮到　蕭正楠送車畀翠如

【蘋果日報】蕭正楠孖女友黃翠如噚日以情侶檔身份到尖沙嘴出席活動，一對小情人玩遊戲，又一齊佈置聖誕樹，跟住蕭正楠獻唱《Together》時，翠如拎住男友嘅名牌扮粉絲，好搞笑。翠如最近因氣管收縮而失聲，所以訪問由蕭正楠全權代為發聲，問到蕭正楠近排係咪耳根清靜？蕭正楠笑話：「佢不嬲都唔係好嘈，只係會擘大喉嚨嗌肚餓箒！」
食蕉喼弗
翠如早排話希望今年同男友去芬蘭睇北極光，蕭正楠話：「我要拍劇拍到農曆新年，拍完就可以去。睇吓請唔請到假，我都明白睇北極光係要啱時間，否則就冇意思。」蕭正楠又預告聖誕節未必有時間陪到女友，但會準備聖誕禮物：「佢架車都舊，但未送車之前，我會送個駕駛改進課程畀佢，pass咗先送車，因為佢揸開細車，如果架車太大，佢會控制唔到。」問翠如會送乜嘢禮物？佢細細聲話：「車軚！」另外，蕭正楠話後日要為新劇拍一場除衫戲，所以事前要喼弗：「十日嘅晚餐，每餐都係吔兩條蕉，係黃翠如買，因為我本身肥底，依家操到有四小嚿，同秦煌一齊拍，我驚肥過佢呀！」
撰文：馮仁昭