張文慈拍劇現白髮

【蘋果日報】張文慈昨日與泳兒、陳法蓉等到九龍灣出席美髮頒獎禮，張文慈表示現時有白頭髮煩惱：「最近拍完《解決師》，對白有五、六頁紙，突然之間標咗一撮白頭髮，我預咗，所以我想睇吓點樣護髮，我又未試過壓力大而甩頭髮，好感恩。」
泳兒透露今次是專程來捧髮型師男友場，男友會上台示範set頭，她說：「今日調轉身份，我喺台下睇佢，平時我上台有啲蝦碌嘢，佢會笑我，例如早幾日我去內地做嘢，唱歌時有一粒音走咗，我上番車，佢就笑我走音，我同佢講你都會上台，記得發熱發亮，其實我知佢今日好緊張，平時少對鏡頭，可能都係行街食飯被人影到，所以希望陣間安排一個我睇得到佢，但佢睇唔到我個位。」
採訪：黃曉妍
攝影：林賓尼