新聞類別
娛樂
詳情#
【蘋果日報】王梓軒09年從美國回流返港，以歌手身份出道，近年開始拍劇過戲癮，近日憑在劇中扮演見習大律師人氣急升。外表斯文的他，原來對身材很有要求，為了「穿衣顯瘦，脫衣有肉」，不單勤力做運動，亦嚴格控制飲食。
王梓軒向來形象官仔骨骨，日前在柴灣接受《蘋果》專訪，梓軒穿上背心露出麒麟臂，爆肌玩健身。他直言好緊張身形，除了勤做gym，也揀飲擇食：「我都會食啲澱粉質，肉類主要食雞，唔食豬牛。」雖練就一身肌肉，梓軒很有要求：「穿衣顯瘦、脫衣有肉，即係着晒西裝唔覺，除咗先見到有落苦功。」
難頂通宵拍劇
梓軒最近在劇集中扮演見習大律師，被讚外形似到十足，但梓軒卻表示從來沒想過要做律師，他說：「唔係因為要咪書，主要係行業問題，我覺得法治、公義同人情係撈唔埋。有時律師為咗跟法治，心中明知唔啱，你要就住去做。要跟公義，就唔可以有人情，人事社會好複雜，我唔想喺制度中搵啱定錯，暫時最有效法律保障我哋。」
拍新劇時，大部份是法庭場景，梓軒說：「拍親法庭戲就好長，既通頂又封頂，空調喺廠天花，所以封頂冇冷氣，一拍十幾個鐘，再接外景，真係好煎熬。試過渴睡到，導演未叫三、二、一，我仲瞌埋對眼。」梓軒大爆被梁烈唯出賣，偷拍睡着短片放上網：「呢啲咪兄弟囉。」
明年是梓軒入行十周年，他表示會搞音樂會之餘，又想創作拍一部戲：「我好想寫一個劇本，演一個角色，綜合一腳踢，但我知一腳踢自己未夠班，我要碌卡搵前輩幫手，有一個好嘅創作團隊，相信呢張卡要碌到2020年仲要還緊。」
採訪：陳杰
攝影：沈健程
場地提供：Clement Shield
王梓軒向來形象官仔骨骨，日前在柴灣接受《蘋果》專訪，梓軒穿上背心露出麒麟臂，爆肌玩健身。他直言好緊張身形，除了勤做gym，也揀飲擇食：「我都會食啲澱粉質，肉類主要食雞，唔食豬牛。」雖練就一身肌肉，梓軒很有要求：「穿衣顯瘦、脫衣有肉，即係着晒西裝唔覺，除咗先見到有落苦功。」
難頂通宵拍劇
梓軒最近在劇集中扮演見習大律師，被讚外形似到十足，但梓軒卻表示從來沒想過要做律師，他說：「唔係因為要咪書，主要係行業問題，我覺得法治、公義同人情係撈唔埋。有時律師為咗跟法治，心中明知唔啱，你要就住去做。要跟公義，就唔可以有人情，人事社會好複雜，我唔想喺制度中搵啱定錯，暫時最有效法律保障我哋。」
拍新劇時，大部份是法庭場景，梓軒說：「拍親法庭戲就好長，既通頂又封頂，空調喺廠天花，所以封頂冇冷氣，一拍十幾個鐘，再接外景，真係好煎熬。試過渴睡到，導演未叫三、二、一，我仲瞌埋對眼。」梓軒大爆被梁烈唯出賣，偷拍睡着短片放上網：「呢啲咪兄弟囉。」
明年是梓軒入行十周年，他表示會搞音樂會之餘，又想創作拍一部戲：「我好想寫一個劇本，演一個角色，綜合一腳踢，但我知一腳踢自己未夠班，我要碌卡搵前輩幫手，有一個好嘅創作團隊，相信呢張卡要碌到2020年仲要還緊。」
採訪：陳杰
攝影：沈健程
場地提供：Clement Shield
回應 (0)
