新聞類別
娛樂
詳情#
【蘋果日報】洪卓立（Ken）和湯怡（Kathy）日前在社交網宣佈分手，雖然31歲的洪卓立留言表明不會再回應，但連日來這段十一年情告終，外界矛頭都指向跟他同齡的湯怡，包括因走紅而提出分手，以及移情戀上陳家樂。
湯怡日前現身為電影開工，面對傳媒不發一言，相反洪卓立昨日與鍾欣潼、泳兒等到中環出席慈善活動時卻有備而來，更主動開腔回應事件：「不如我講先啦。」其間他處處維護前度，但情傷未癒的他開腔不久即哽咽，工作人員見他雙眼通紅，即遞上紙巾讓他拭淚。
因了解而分開
洪卓立說：「公佈之後，大家都有唔同反應，影響咗大家對Kathy嘅觀感。有啲人話我哋距離越來越大，話佢貪慕虛榮、紅咗少少就飛咗我。」說到這裏，他停了下來，垂下頭的他更忍不住哭。休息約兩分鐘後，他續說：「首先，呢樣嘢係唔存在（指女方因為走紅而提分手），我哋一齊十一年，一齊嘅時候，我係第一隻碟都仲未出，中間又經歷過大病，亦經歷好多困難，如果佢好似大家所講咁樣，其實佢有好多機會可以同我分開。」
洪卓立又指Kathy擔正電影女主角是好機會，至於結婚問題，他說二人早有共識，35歲後才會踏入另一階段，故不存在他不肯娶或女方不肯嫁。對於分手原因，他重申：「冇第三者，十一年唔係簡單十一句，或者十一分鐘講完就可以令大家明白，只可以講大家因了解而分開。」
向陳家樂道歉
洪卓立指與湯怡目前關係仍然很好，在公司碰面會打招呼，對於陳家樂及Eric So胞弟Gavin被指是第三者，洪卓立說：「其實我私底下有同陳家樂講唔好意思，我冇諗過要拉任何人落水。睇番網上啲相，十張有九張都係關於工作嘅，我睇落冇問題，如果佢有planning做呢件事，就唔會咁張揚。」他又說：「見到有啲留言話見到我哋咁樣，覺得呢個世界再冇童話。我覺得每個人對愛情睇法都唔同，至少至今我仍然相信愛情。」
此外，有讀者向本報提供湯怡和Gavin上月穿同款「情侶鞋」去金山公園跑山的相片，湯怡經理人霍汶希說：「Ken講咗和平分手，一啲都唔涉及第三者，所以傳咗咁多新歡出嚟，對佢哋唔公平，對湯怡都好唔公平。」
採訪：曹家誠、陳杰
攝影：林賓尼
湯怡日前現身為電影開工，面對傳媒不發一言，相反洪卓立昨日與鍾欣潼、泳兒等到中環出席慈善活動時卻有備而來，更主動開腔回應事件：「不如我講先啦。」其間他處處維護前度，但情傷未癒的他開腔不久即哽咽，工作人員見他雙眼通紅，即遞上紙巾讓他拭淚。
因了解而分開
洪卓立說：「公佈之後，大家都有唔同反應，影響咗大家對Kathy嘅觀感。有啲人話我哋距離越來越大，話佢貪慕虛榮、紅咗少少就飛咗我。」說到這裏，他停了下來，垂下頭的他更忍不住哭。休息約兩分鐘後，他續說：「首先，呢樣嘢係唔存在（指女方因為走紅而提分手），我哋一齊十一年，一齊嘅時候，我係第一隻碟都仲未出，中間又經歷過大病，亦經歷好多困難，如果佢好似大家所講咁樣，其實佢有好多機會可以同我分開。」
洪卓立又指Kathy擔正電影女主角是好機會，至於結婚問題，他說二人早有共識，35歲後才會踏入另一階段，故不存在他不肯娶或女方不肯嫁。對於分手原因，他重申：「冇第三者，十一年唔係簡單十一句，或者十一分鐘講完就可以令大家明白，只可以講大家因了解而分開。」
向陳家樂道歉
洪卓立指與湯怡目前關係仍然很好，在公司碰面會打招呼，對於陳家樂及Eric So胞弟Gavin被指是第三者，洪卓立說：「其實我私底下有同陳家樂講唔好意思，我冇諗過要拉任何人落水。睇番網上啲相，十張有九張都係關於工作嘅，我睇落冇問題，如果佢有planning做呢件事，就唔會咁張揚。」他又說：「見到有啲留言話見到我哋咁樣，覺得呢個世界再冇童話。我覺得每個人對愛情睇法都唔同，至少至今我仍然相信愛情。」
此外，有讀者向本報提供湯怡和Gavin上月穿同款「情侶鞋」去金山公園跑山的相片，湯怡經理人霍汶希說：「Ken講咗和平分手，一啲都唔涉及第三者，所以傳咗咁多新歡出嚟，對佢哋唔公平，對湯怡都好唔公平。」
採訪：曹家誠、陳杰
攝影：林賓尼
回應 (0)
