心穎講明中獎請食飯

【蘋果日報】黃心穎昨日到紅磡出席迎聖誕活動時獻唱助興，問她會否期待出碟做歌手？黃心穎坦言唱歌是興趣：「令我有動力去學唱歌同練歌，真係會覺得自己有進步，人生到咗呢個年紀，好難搵到樣嘢令自己覺得仲可以進步㗎。」心穎又表示男友馬國明亦有聽她唱歌：「不過佢冇點歌，佢識嘅歌比較少，通常都係我介紹歌畀佢聽。」
至於今晚出席台慶，黃心穎坦言目標是為了大抽獎：「我好坦白，想抽到現金獎，不過我冇乜抽獎命，如果抽到就請大家食飯。」記者笑指她是否又想換車所以要獎金？黃心穎說：「唔係又換呀，睇吓車書都好開心㗎喇，中咗再算啦。」心穎又預告今晚的台慶戰衣毫不性感。她說：「最近有很多扮靚機會，着裙着到厭。」
採訪、攝影：盧妹