新聞類別
娛樂
詳情#
【蘋果日報】出爐台灣金馬獎最佳男配角袁富華，從事演藝工作三十年，由舞台劇跳入大銀幕。他自言在窮困家庭長大，因小時候看過已故資深藝人江毅的話劇，從此對演戲深深地着迷，更將演員當成終身職業。他更直言：「我鍾意演戲。」
採訪︰羅婉玲
攝影︰仇志德
現年54歲的舞台劇資深演員兼導演袁富華，觀眾未必對他有所認識，但當說起《喜劇之王》中，他踢爆周星馳的經典對白︰「你唔係外賣仔。」就肯定是無數影迷的集體回憶。
愛上話劇
從事演藝工作三十年，袁富華憑新戲《翠絲》中飾演跨性別人士「打鈴哥」，在上周六的台灣金馬獎奪最佳男配角，早前他在觀塘接受《蘋果》專訪，坦言當初接演時，內心曾掙扎過︰「監製舒琪搵我，我『吓』咗聲，唔係介意做女人，而係唱開平喉，唱唔到子喉，但佢話戲你一定做到，子喉部份就搵代唱。」
角色的演繹，甚有已故藝人江毅的影子，袁富華大方說︰「江毅叔係我啟蒙老師。細個時，媽媽帶我去利舞台睇話劇《橫街窄巷》，佢演花旦令我印象好深。當時窮苦大眾用五蚊去睇戲，只係坐山頂位，係好奢侈。後嚟我哋有機會合作電影《竊聽風雲2》，同佢好好傾，佢仲話會嚟睇我嘅舞台劇。」談起江毅，袁富華更一度哽咽︰「冇諗住扮佢，可能細個睇佢嘅戲，潛藏咗嘅嘢，依家攞番出嚟。喺呢度要多謝江毅叔，其實佢好可愛，喺佢離世前合作係緣份。」
話劇令袁富華與江毅結下不解緣，他更將演戲當成終身職業，在舞台上令他可以忘憂，他說︰「最初我加入業餘劇社覺得得意、好玩，之後入劇團，無論有幾唔開心，一上舞台演戲就開心番，那怕係小角色都好享受，因為我鍾意演戲。」袁富華憶述小時家境困苦，中學時更要半工讀︰「細個屋企環境唔好，爸爸做苦力，媽媽做清潔，屋企講明考唔到上中學就冇書讀。中四後要交學費，嗰時我去港澳碼頭賣T恤、翻版帶嚟交學費。」深信知識改變命運，袁富華11年獲演藝學院破例讓他修讀藝術碩士（導演）課程，他說︰「演員係為生，但導演係可以講故事，我嘅畢業論文就係講憑演員經驗點樣成為導演。」
認定女友
現實生活中，袁富華有位感情穩定的圈外女友︰「我哋拍拖多年，未做演員時已認識，咁多年佢默默支持我，我有乜都瞞唔到佢，知我莫若佢。」問到幾時好事近？他說︰「過咗時機，但大家都認定對方，我都覺得係時候做啲嘢。」
化妝、髮型︰黃德燕@Sandy Image
採訪︰羅婉玲
攝影︰仇志德
現年54歲的舞台劇資深演員兼導演袁富華，觀眾未必對他有所認識，但當說起《喜劇之王》中，他踢爆周星馳的經典對白︰「你唔係外賣仔。」就肯定是無數影迷的集體回憶。
愛上話劇
從事演藝工作三十年，袁富華憑新戲《翠絲》中飾演跨性別人士「打鈴哥」，在上周六的台灣金馬獎奪最佳男配角，早前他在觀塘接受《蘋果》專訪，坦言當初接演時，內心曾掙扎過︰「監製舒琪搵我，我『吓』咗聲，唔係介意做女人，而係唱開平喉，唱唔到子喉，但佢話戲你一定做到，子喉部份就搵代唱。」
角色的演繹，甚有已故藝人江毅的影子，袁富華大方說︰「江毅叔係我啟蒙老師。細個時，媽媽帶我去利舞台睇話劇《橫街窄巷》，佢演花旦令我印象好深。當時窮苦大眾用五蚊去睇戲，只係坐山頂位，係好奢侈。後嚟我哋有機會合作電影《竊聽風雲2》，同佢好好傾，佢仲話會嚟睇我嘅舞台劇。」談起江毅，袁富華更一度哽咽︰「冇諗住扮佢，可能細個睇佢嘅戲，潛藏咗嘅嘢，依家攞番出嚟。喺呢度要多謝江毅叔，其實佢好可愛，喺佢離世前合作係緣份。」
話劇令袁富華與江毅結下不解緣，他更將演戲當成終身職業，在舞台上令他可以忘憂，他說︰「最初我加入業餘劇社覺得得意、好玩，之後入劇團，無論有幾唔開心，一上舞台演戲就開心番，那怕係小角色都好享受，因為我鍾意演戲。」袁富華憶述小時家境困苦，中學時更要半工讀︰「細個屋企環境唔好，爸爸做苦力，媽媽做清潔，屋企講明考唔到上中學就冇書讀。中四後要交學費，嗰時我去港澳碼頭賣T恤、翻版帶嚟交學費。」深信知識改變命運，袁富華11年獲演藝學院破例讓他修讀藝術碩士（導演）課程，他說︰「演員係為生，但導演係可以講故事，我嘅畢業論文就係講憑演員經驗點樣成為導演。」
認定女友
現實生活中，袁富華有位感情穩定的圈外女友︰「我哋拍拖多年，未做演員時已認識，咁多年佢默默支持我，我有乜都瞞唔到佢，知我莫若佢。」問到幾時好事近？他說︰「過咗時機，但大家都認定對方，我都覺得係時候做啲嘢。」
化妝、髮型︰黃德燕@Sandy Image
回應 (0)
