新聞類別
娛樂
詳情#
【蘋果日報】梁詠琪（GiGi）同老公Sergio以七位數投資嘅童裝店噚日喺銅鑼灣開張，兩夫妻連同三歲囡囡Sofia進行揭幕儀式，好友楊千嬅同鄭秀文（Sammi）都嚟撐場。
GiGi話睇到啲童裝好得意想生多個，而且囡囡想有個妹妹：「囡囡已經三歲，執番啲BB衫唔捨得畀人，想生多個着番啲靚衫，我有問過佢，囡囡話男仔太好動，問下一個baby我可唔可以要個女。」幾時開工造人？GiGi話要做好舖頭先：「老公每日送女返學，我就接放學，工作盡量安排之後時間。」問到兩公婆做生意有冇問題？GiGi話：「我哋有商有量，互相尊重，唔好話生意，湊小朋友都有意見分歧，最緊要方向堅定一致，就變成小問題。」現時香港租金昂貴，GiGi有心理準備冇咁快回本，暫時希望做到收支平衡。
Sammi木婚唔慶祝
同場嘅Sammi話自己專登嚟撐好友：「我呢啲不生育嘅人，每次揀童裝都好躊躇，唔知揀乜，我真係天生注定不是母親。」佢仲大讚GiGi同老公好match，甜蜜得嚟唔over：「GiGi都有問我見到啲衫咁得意想唔想生番個，我唔會因為童裝得意就生，咁兒戲。」講到同老公許志安結婚5周年，人稱木婚，Sammi搞笑咁講：「木婚，木口木面？呢啲日子反應唔太大，只同兩位至親四人一齊食飯，禮物都唔好送，食飯仲開心。」
另外，千嬅見到Sofia咁靚，都話好羨慕，不過佢就自嘲話年紀大，好難成功追B。問到之前同老公去冰島旅行係咪順便造人？佢笑住話：「你當我二十幾歲？冰島咁凍，成身都暖包，如果真係要生育就要再計劃。」
撰文：馮仁昭
GiGi話睇到啲童裝好得意想生多個，而且囡囡想有個妹妹：「囡囡已經三歲，執番啲BB衫唔捨得畀人，想生多個着番啲靚衫，我有問過佢，囡囡話男仔太好動，問下一個baby我可唔可以要個女。」幾時開工造人？GiGi話要做好舖頭先：「老公每日送女返學，我就接放學，工作盡量安排之後時間。」問到兩公婆做生意有冇問題？GiGi話：「我哋有商有量，互相尊重，唔好話生意，湊小朋友都有意見分歧，最緊要方向堅定一致，就變成小問題。」現時香港租金昂貴，GiGi有心理準備冇咁快回本，暫時希望做到收支平衡。
Sammi木婚唔慶祝
同場嘅Sammi話自己專登嚟撐好友：「我呢啲不生育嘅人，每次揀童裝都好躊躇，唔知揀乜，我真係天生注定不是母親。」佢仲大讚GiGi同老公好match，甜蜜得嚟唔over：「GiGi都有問我見到啲衫咁得意想唔想生番個，我唔會因為童裝得意就生，咁兒戲。」講到同老公許志安結婚5周年，人稱木婚，Sammi搞笑咁講：「木婚，木口木面？呢啲日子反應唔太大，只同兩位至親四人一齊食飯，禮物都唔好送，食飯仲開心。」
另外，千嬅見到Sofia咁靚，都話好羨慕，不過佢就自嘲話年紀大，好難成功追B。問到之前同老公去冰島旅行係咪順便造人？佢笑住話：「你當我二十幾歲？冰島咁凍，成身都暖包，如果真係要生育就要再計劃。」
撰文：馮仁昭
回應 (0)
