新聞類別
娛樂
詳情#
【蘋果日報】一代影壇大亨鄒文懷本月初離世，享年91歲，電影公司昨日在紅磡嘉里酒店，為鄒文懷舉行追思會，鄒文懷正室女兒鄒重珩和他跟紅顏知己所生的兒子鄒重璂一家四口都有出席。電影界方面，唐季禮、劉偉強、馬楚成及彭浩翔等和親友約200人到場悼念。特首林鄭月娥、李嘉誠父子、成龍及林鳳嬌夫婦、劉德華、周星馳及演藝人協會則送上花牌。
好學不倦
昨日的追思會上一切從簡，主禮堂內放映鄒文懷生前的照片、喜愛歌曲及生平片段，好友上台追憶鄒文懷的生平逸事等。女兒鄒重珩大讚爸爸，並稱最值得學習是好學不倦：「每朝食早餐，我見爸爸睇報紙，有唔明佢一定查牛津字典同中文字典，佢要每個字都要識讀識解，佢又好追上潮流。」鄒重珩欣賞父親「真相必看兩面」的座右銘。至於鄒重璂則難忘早年父親相約一人跟他見面，當時未婚的鄒重璂心想是否要介紹女明星給他認識，結果來的卻是同父異母的姊姊鄒重珩。
另外，唐季禮專程返港出席追思會，他說：「鄒生永遠笑笑口，對任何人唔會大聲講嘢。我91年加入嘉禾，當時自己係新導演同鄒生見面，佢畀我拍成龍大哥嘅《超級警察》，佢係一個好好先生，好有品味，不論高爾夫球、紅酒同車，見佢揸住架波子，印象好深刻。」
感激扶持
唐季禮又感激鄒文懷扶持後輩：「我曾經問過點解睇落會輸嘅電影都投資，佢話自己唔係上帝，唔會知贏輸，佢覺得年輕導演好熱情同有衝勁，所以好願意畀機會佢哋，如果一定要贏先投資，就唔係電影人，我好感激佢。」
採訪：張俊銘
攝影：沈健程
好學不倦
昨日的追思會上一切從簡，主禮堂內放映鄒文懷生前的照片、喜愛歌曲及生平片段，好友上台追憶鄒文懷的生平逸事等。女兒鄒重珩大讚爸爸，並稱最值得學習是好學不倦：「每朝食早餐，我見爸爸睇報紙，有唔明佢一定查牛津字典同中文字典，佢要每個字都要識讀識解，佢又好追上潮流。」鄒重珩欣賞父親「真相必看兩面」的座右銘。至於鄒重璂則難忘早年父親相約一人跟他見面，當時未婚的鄒重璂心想是否要介紹女明星給他認識，結果來的卻是同父異母的姊姊鄒重珩。
另外，唐季禮專程返港出席追思會，他說：「鄒生永遠笑笑口，對任何人唔會大聲講嘢。我91年加入嘉禾，當時自己係新導演同鄒生見面，佢畀我拍成龍大哥嘅《超級警察》，佢係一個好好先生，好有品味，不論高爾夫球、紅酒同車，見佢揸住架波子，印象好深刻。」
感激扶持
唐季禮又感激鄒文懷扶持後輩：「我曾經問過點解睇落會輸嘅電影都投資，佢話自己唔係上帝，唔會知贏輸，佢覺得年輕導演好熱情同有衝勁，所以好願意畀機會佢哋，如果一定要贏先投資，就唔係電影人，我好感激佢。」
採訪：張俊銘
攝影：沈健程
回應 (0)
