新聞類別
娛樂
詳情#
【蘋果日報】一年一度嘅「新城勁爆頒獎禮」將於下月29日舉行，昨午喺將軍澳舉行記者會，出席歌手包括鄧紫棋（G.E.M.）、張敬軒、鄭欣宜、許廷鏗、泳兒同林奕匡等，會上更率先頒發由張敬軒奪得嘅「勁爆播放指數歌曲」，以及G.E.M.奪得嘅「勁爆國語力歌手」兩個獎項。
G.E.M.被嫌品味差
軒仔話獲獎感到開心：「我對歌曲獎項有信心，始終今年放咗唔少心血落去。」佢仲話準備好戰衣，所有頒獎禮都會出席。對於有騙徒冒認佢喺網上發送詐騙訊息畀歌迷，佢日前已出聲明澄清，但佢話騙徒已伸延去教會：「牧師打電話畀我話教友收到相關信息，好彩未有受害者，可能佢哋平時畀我呃得多，有番咁上下醒目。」
G.E.M.就話自己今個月鴻運當頭：「先去完NASA唱完自己中文歌，返到嚟又通知我有BBC百大女性，依家仲有新城呢個獎，我覺得直情要去買六合彩。」問到男友Mark有冇表示？佢話：「冇呀，反而我要表示，因為佢生日要準備禮物畀佢。」又自爆蠢事：「生日前一日我好蠢咁喺佢身邊睇電話，俾佢望到，於是我第二朝即刻買過份禮物畀佢，佢收到之後好失望，仲係咁話我品味咁差，我忍笑忍咗12個鐘之後先至送番份正常禮物，佢先開心番。」
撰文：馮仁昭
G.E.M.被嫌品味差
軒仔話獲獎感到開心：「我對歌曲獎項有信心，始終今年放咗唔少心血落去。」佢仲話準備好戰衣，所有頒獎禮都會出席。對於有騙徒冒認佢喺網上發送詐騙訊息畀歌迷，佢日前已出聲明澄清，但佢話騙徒已伸延去教會：「牧師打電話畀我話教友收到相關信息，好彩未有受害者，可能佢哋平時畀我呃得多，有番咁上下醒目。」
G.E.M.就話自己今個月鴻運當頭：「先去完NASA唱完自己中文歌，返到嚟又通知我有BBC百大女性，依家仲有新城呢個獎，我覺得直情要去買六合彩。」問到男友Mark有冇表示？佢話：「冇呀，反而我要表示，因為佢生日要準備禮物畀佢。」又自爆蠢事：「生日前一日我好蠢咁喺佢身邊睇電話，俾佢望到，於是我第二朝即刻買過份禮物畀佢，佢收到之後好失望，仲係咁話我品味咁差，我忍笑忍咗12個鐘之後先至送番份正常禮物，佢先開心番。」
撰文：馮仁昭
回應 (0)
