黃金兄弟合體見粉絲伊健怨小春離群「我哋好angry囉」

【蘋果日報】鄭伊健、錢嘉樂、林曉峰及謝天華昨日在屯門為電影《黃金兄弟》原聲大碟舉行簽唱會，大會安排粉絲跟鄭伊健等黃金兄弟玩遊戲，重演戲中的經典對白，黃金兄弟又即場獻唱經典歌《友情歲月》，全場大合唱，氣氛熱烈。
昨日獨欠陳小春出席，鄭伊健笑說：「都慣㗎喇。」錢嘉樂表示小春要去南京做「陳小春Stop Angry巡迴演唱會」，鄭伊健即說：「但係我哋好angry囉。」
四兄弟上周低調到佛山撐小春開騷，錢嘉樂指近年他們經常一齊做騷，所以想看小春單獨在台上的表現：「冇喺觀眾角度睇佢好耐，OK呀！」鄭伊健說：「嗰次去睇陳小春都係突發，佢突然喺台上見到我哋，呆咗五秒，從來未見過佢呢個樣。」
預告冇嘉賓
鄭伊健明年在紅館舉行個唱，問他是否也會邀請黃金兄弟做嘉賓？他大爆天華要放假：「過年嘛，有人要放長假，嗰啲公子囉，不過搵佢做佢有份嘅騷又得㗎喎，哈哈。」如請他們做紅館嘉賓，利是要多少錢？鄭伊健指沒有給利是，所以個個都冇期。
採訪：盧妹
攝影：林賓尼