新聞類別
娛樂
詳情#
【蘋果日報】鍾鎮濤（阿B）一連兩場紅館個唱「故事繼續演唱會」昨晚圓滿結束，前晚頭場除了溫拿兄弟譚詠麟（阿倫）、彭健新、陳友及葉智強做嘉賓外，還有梁家輝。家輝身穿白色小背心，扮經典搖滾樂隊Queen主音Freddie Mercury，邊rock邊扭跳舞。阿倫見到家輝時，更笑說：「我仲以為係四哥，霆鋒接班人。」
鍾鎮濤相隔十年再踏紅館開個人演唱會，前晚舉行首場。甫開場，阿B以一身黑禮服高帽現身，唱出《一段情》及《無限旅程》等歌曲，他跟觀眾打招呼說：「上次喺度開騷已經係十年前，好感恩一直有好多朋友、家人同大家支持我。」
獲小鳳姐打氣
阿B又在台上表示出街經常遇到藝人好友，有一次經歷令他難忘：「喺經歷人生低潮時，我出街鍾意聽住歌，有一日我喺街聽住一首我好鍾意嘅女歌手作品，突然間有人拍我膊頭，轉身一望就係嗰位女歌手，佢同我講『阿B唔使灰心，人生係要經歷高低先有意義，加油。』」該名女歌手就是徐小鳳，阿B隨即唱出小鳳姐的《隨想曲》向她致敬。
中段快歌環節，阿B走落觀眾席握手，與關之琳等嘉賓逐一擁抱，然後再邀請鄭秀文（Sammi）上台。阿B剛與Sammi在電影中合作，在片中要化老妝飾演Sammi爸爸，旁邊的Sammi就搞笑說：「你似我條仔多過似我爸爸。」
全晚的高潮位就是好友梁家輝，穿上白色牛仔褲白背心並黐上假鬚，扮英國樂隊Queen已故主音Freddie Mercury於85年在Live Aid上演出的經典造型，阿B對家輝的造型讚嘆不已，更叫家輝為「Tony Mercury」，兩人即合唱Queen的經典歌曲《We Will Rock You》，無論動作及神髓，家輝都跟足Freddie Mercury，令全場熱爆，阿B更嗌觀眾站起來一齊high。
之後溫拿四位成員阿倫、彭健新、陳友和葉智強現身，當阿倫見到家輝時，即笑說：「我仲以為係四哥，霆鋒接班人。」家輝也留在台上與溫拿合唱《L.O.V.E》，然後溫拿唱過《Sha La La》後，阿B以代表作《讓一切隨風》，為個唱畫上句號。
睇電影受啟發
阿B完騷後受訪，他感謝一班好友捧場，尤其是梁家輝：「自己之前睇完一套關於Queen嘅電影，所以有呢個諗法，點知家輝一口答應。」講到家輝喺台上玩得好開心，B哥笑言：「係呀，佢係動作派我係實力派。」
採訪：曹家誠
攝影：仇志德
鍾鎮濤相隔十年再踏紅館開個人演唱會，前晚舉行首場。甫開場，阿B以一身黑禮服高帽現身，唱出《一段情》及《無限旅程》等歌曲，他跟觀眾打招呼說：「上次喺度開騷已經係十年前，好感恩一直有好多朋友、家人同大家支持我。」
獲小鳳姐打氣
阿B又在台上表示出街經常遇到藝人好友，有一次經歷令他難忘：「喺經歷人生低潮時，我出街鍾意聽住歌，有一日我喺街聽住一首我好鍾意嘅女歌手作品，突然間有人拍我膊頭，轉身一望就係嗰位女歌手，佢同我講『阿B唔使灰心，人生係要經歷高低先有意義，加油。』」該名女歌手就是徐小鳳，阿B隨即唱出小鳳姐的《隨想曲》向她致敬。
中段快歌環節，阿B走落觀眾席握手，與關之琳等嘉賓逐一擁抱，然後再邀請鄭秀文（Sammi）上台。阿B剛與Sammi在電影中合作，在片中要化老妝飾演Sammi爸爸，旁邊的Sammi就搞笑說：「你似我條仔多過似我爸爸。」
全晚的高潮位就是好友梁家輝，穿上白色牛仔褲白背心並黐上假鬚，扮英國樂隊Queen已故主音Freddie Mercury於85年在Live Aid上演出的經典造型，阿B對家輝的造型讚嘆不已，更叫家輝為「Tony Mercury」，兩人即合唱Queen的經典歌曲《We Will Rock You》，無論動作及神髓，家輝都跟足Freddie Mercury，令全場熱爆，阿B更嗌觀眾站起來一齊high。
之後溫拿四位成員阿倫、彭健新、陳友和葉智強現身，當阿倫見到家輝時，即笑說：「我仲以為係四哥，霆鋒接班人。」家輝也留在台上與溫拿合唱《L.O.V.E》，然後溫拿唱過《Sha La La》後，阿B以代表作《讓一切隨風》，為個唱畫上句號。
睇電影受啟發
阿B完騷後受訪，他感謝一班好友捧場，尤其是梁家輝：「自己之前睇完一套關於Queen嘅電影，所以有呢個諗法，點知家輝一口答應。」講到家輝喺台上玩得好開心，B哥笑言：「係呀，佢係動作派我係實力派。」
採訪：曹家誠
攝影：仇志德
回應 (0)
