新聞類別
娛樂
詳情#
【蘋果日報】性感女神葉玉卿今年52歲，佢喺96年嫁咗畀紐約連鎖超市嘅老闆胡兆明之後，淡出娛樂圈，移居美國，跟住仲生埋囡囡胡芷欣（Victoria），以及兩子胡可聰同胡以聰，一家五口過住幸福嘅家庭生活。
六奪獎學金
唔經唔覺，葉玉卿嘅大女Victoria今年已經19歲，正所謂「胡家有女初長成」，舊年佢喺美國高中畢業，成功考入心儀嘅大學，而且仲考到六個獎學金。同其他女仔一樣，Victoria得閒都會更新自己Instagram嘅相，可能因為佢自幼喺美國長大，性格爽朗，所以佢除咗分享同朋友去玩嘅相，仲有唔少性感泳裝相！
前日Victoria喺Ig貼完泳衣相之後，噚日又派福利，今次仲貼咗一張戴住帽、企喺海邊回眸一笑兼大晒「優質股」嘅相，非常養眼，可以話遺傳晒媽咪葉玉卿嘅優點，樣靚身材又正。不過睇番Victoria舊年嘅泳衣相，佢今年嘅身材明顯更加有線條，分分鐘弗過媽咪後生嗰時，睇嚟佢為咗呢副靚body落咗唔少苦功。
撰文：馮仁昭
六奪獎學金
唔經唔覺，葉玉卿嘅大女Victoria今年已經19歲，正所謂「胡家有女初長成」，舊年佢喺美國高中畢業，成功考入心儀嘅大學，而且仲考到六個獎學金。同其他女仔一樣，Victoria得閒都會更新自己Instagram嘅相，可能因為佢自幼喺美國長大，性格爽朗，所以佢除咗分享同朋友去玩嘅相，仲有唔少性感泳裝相！
前日Victoria喺Ig貼完泳衣相之後，噚日又派福利，今次仲貼咗一張戴住帽、企喺海邊回眸一笑兼大晒「優質股」嘅相，非常養眼，可以話遺傳晒媽咪葉玉卿嘅優點，樣靚身材又正。不過睇番Victoria舊年嘅泳衣相，佢今年嘅身材明顯更加有線條，分分鐘弗過媽咪後生嗰時，睇嚟佢為咗呢副靚body落咗唔少苦功。
撰文：馮仁昭
回應 (0)
