海防道臨時街市明清拆　食客趕住捧場告別「世上最好食」乾炒牛河

【蘋果日報】足足「臨時」了40年的海防道臨時街市，終於完成臨時任務，明起清拆重建，料翻新工程長達14個月，2020年原址重開。因熟食市場提早截水停電，部份商戶昨日收爐。重建前最後一個午市，九檔熟食檔火力全開，捧場客人潮不斷，趕來再嚐「世界上最好食」的乾炒牛河。有檔主說，重建期間冇工開，手停口停，港府亦冇補貼，打算轉做散工維持生計。


記者：梁銘恩

熟食市場以大牌檔形式經營，九檔各佔不同數量圓枱。午飯時間不論階層，西裝友、藍領、師奶共坐一枱，夥記在狹窄走廊和圓枱間穿梭上菜。離別在即，人們都「親密」起來。


以秘制炸豬扒馳名的華香園，檔口前大排長龍，不少熟客更一早電話預訂，外賣醃製好的豬扒。退休人士周先生連續兩日和太太舊地重遊，懷念昔日拍拖時光。他憶述年輕時的午飯約會，就是吃大牌檔，「一定會食炸豬扒、雞翼同飲奶茶，再食埋隔籬檔個牛丸」。他慨嘆尖沙嘴區急劇發展，唯獨不變的是此處的環境和食物味道，但亦即將成為往事，即使重建後亦未必能保留原班人馬，「做唔返以前嘅風味」。


靠近街市門口的食檔仁利粥品，主打自家製「蝦米辣椒油」為鎮店之寶，日賣近百樽，一碗生麵，加幾滴辣油，足以征服味蕾。居港日本人Amy與幾位日籍同事趁最後一個午市送別老闆，一人一碟乾炒牛河，形容為「世界上最好食」，在日本難以尋回相似味道。


全港現有四個臨時街市，除了海防道，還有通州街、深井和洪水橋臨時街市，原意為安置街上小販和舊街市商戶。海防道街市熟食檔中，仁利粥品最老字號，經營近60年，老闆鄭先生說，見證街市由尖沙嘴北京道搬到海防道，重建後將踏入新階段。他說收爐後打算先休息過節，祈盼街市翻新後可帶動更多人流。


東主稱先打散工維生

華香園老闆巫先生則稱重建牽連甚廣，影響近百名夥記飯碗，惟食物環境衞生署並無安排補貼，亦未與租戶商討重建後的加租幅度，無法評估日後的經營環境。被問到停業後去向，他計劃先打散工維生，「做返飲食呢行，順便偷師、學吓人啲嘢」。