新聞類別
娛樂
詳情#
【蘋果日報】資深演員李兆基在影圈飾演惡人而為人熟識，他近年因為兩度中風而激瘦。祥嫂洪金梅昨日聯同黃夏蕙，相約基哥在九龍城一間茶餐廳敍舊。基哥在好友陳慎芝陪同下現身，雖然基哥要撐枴杖走路，但他思路清晰，對答如流，更對在場傳媒笑言：「我未死得！」
「長命好辛苦」
祥嫂對基哥說有很多人支持他，希望他長命百歲，基哥雙眼通紅地說：「唔好咁長命，長命好辛苦，我喺演藝圈勞碌辛苦生活幾十年，有乜未見過，辛苦你嘞祥嫂。」祥嫂向基哥表示：「我都係你影迷，演藝界人好關心你，唔好咁感慨。」
周聰玲畀利是
基哥與祥嫂會面大概半小時後先離開，問基哥身體如何，他坦言：「唔好啦！」其間基哥由周潤發家姐周聰玲及陳慎芝護送上車，基哥說：「玲姐畀咗封利是我，我識咗佢好多年，做電視台時候已經識。」
之後祥嫂受訪，坦言是基哥影迷，她說：「我係佢影迷，鍾意睇佢做戲多過睇新馬仔做戲，基哥做邊樣似邊樣，好有霸氣，好鍾意佢同志雄哥（吳志雄）早年嘅《監獄風雲》。」原來祥嫂兩、三個月前見過基哥，有感他身體不適，故昨日邀約看看如何在經濟支援他。祥嫂說：「原本今日叫埋邵音音出嚟，起碼坐埋睇吓有冇乜嘢可以協助，錢銀我樂意幫。」祥嫂表示昨日人多不方便，稍後會再約基哥詳談。
採訪：張俊銘
攝影：沈健程
回應 (0)
