新聞類別
娛樂
詳情#
【蘋果日報】劉青雲前晚在九龍塘出席活動，原來今年7月是他和太太郭藹明結婚20周年，青雲在台上坦言沒有特別慶祝，不過會好好珍惜，因為20年並不簡單。活動後青雲再被問有否安排慶祝活動，他說：「我哋同啲朋友食餐飯慶祝吓，不過時間過得真係好快，有冇初戀感覺？咁又冇喎！」
聖誕卡送老婆
問到會否送一份大禮物給老婆？青雲笑說：「城市人嘅嘢，見到鍾意又買得嘅嘢，已經買咗啦，唔會等乜嘢特別日子。就算係特別日子，買唔起就係買唔起，不過聖誕節就唔同，周圍都減價，可以去吓shopping，但係我未諗送乜嘢聖誕禮物，啱啱先拍完戲，但係一定會有聖誕卡。」本來他有考慮到芬蘭過聖誕，不過他本身怕凍，所以仍在計劃中。當被追問會否寫I love you這類說話時，他笑說：「哎呀！依家啲男人真係惡做，嗰張卡上面都印咗嘢啦，咪寫個名，唔係點知係邊個。」
對於久休復出樂壇的古天樂今年入圍「叱咤我最喜愛男歌手」五強，青雲說：「吓？古仔唱歌，多元化發展當然好，不過要注重身體，好似有聽過佢唱歌，我覺得OK㗎！」再問有否覺得古仔不做歌手有點浪費？他說：「嘥咗囉，但係最緊要係做自己鍾意嘅，唱歌都好，不如索性做歌手，留番啲嘢畀我哋撈。」
自嘲破壞樂壇
青雲曾與古仔和張家輝在電影合唱，問他會否希望成立一個組合？青雲即說：「唔好破壞樂壇喇！老實講，佢兩個係得，我就唔得，冇天份！」他還說：「我點會唱歌呀，生日咪唱歌，又要情話綿綿，你哋想點呀？依家做男人做到好似考試咁，男人真係惡做。」
採訪：盧妹
攝影：陳俊強
長青網 - 一站式長者及護老者生活資訊網站
聖誕卡送老婆
問到會否送一份大禮物給老婆？青雲笑說：「城市人嘅嘢，見到鍾意又買得嘅嘢，已經買咗啦，唔會等乜嘢特別日子。就算係特別日子，買唔起就係買唔起，不過聖誕節就唔同，周圍都減價，可以去吓shopping，但係我未諗送乜嘢聖誕禮物，啱啱先拍完戲，但係一定會有聖誕卡。」本來他有考慮到芬蘭過聖誕，不過他本身怕凍，所以仍在計劃中。當被追問會否寫I love you這類說話時，他笑說：「哎呀！依家啲男人真係惡做，嗰張卡上面都印咗嘢啦，咪寫個名，唔係點知係邊個。」
對於久休復出樂壇的古天樂今年入圍「叱咤我最喜愛男歌手」五強，青雲說：「吓？古仔唱歌，多元化發展當然好，不過要注重身體，好似有聽過佢唱歌，我覺得OK㗎！」再問有否覺得古仔不做歌手有點浪費？他說：「嘥咗囉，但係最緊要係做自己鍾意嘅，唱歌都好，不如索性做歌手，留番啲嘢畀我哋撈。」
自嘲破壞樂壇
青雲曾與古仔和張家輝在電影合唱，問他會否希望成立一個組合？青雲即說：「唔好破壞樂壇喇！老實講，佢兩個係得，我就唔得，冇天份！」他還說：「我點會唱歌呀，生日咪唱歌，又要情話綿綿，你哋想點呀？依家做男人做到好似考試咁，男人真係惡做。」
採訪：盧妹
攝影：陳俊強
長青網 - 一站式長者及護老者生活資訊網站
回應 (0)
