周志康爆喊迎二女出世

【蘋果日報】《超級巨聲》出身的周志康，前晚在Ig宣佈細女平安出生，他接受傳媒訪問時說：「本來預產期喺19號，但太太有少少作動，我哋咪去睇醫生，醫生話可以準備生，所以我哋咪入院催生。」他還說：「穿羊水到出世都係一個鐘左右，醫生入嚟幾分鐘就出世，我仲親手剪BB臍帶。」
周志康表示太太生B過程有少少驚險：「BB出咗嚟只係喊咗一聲就冇喊，仲見到醫生同護士都圍住個BB，可能因為太太期間打咗止痛針，啲針去咗BB度，當醫生同佢打完支針，即刻聽到BB喊聲，之後我個心軟一軟，忍唔住喊。」至於大女探過妹妹未？周志康說：「家姐已經探咗BB，佢話會好錫BB，畀晒啲玩具BB玩。」
採訪：皓騫、唐琛悠
長青網 - 一站式長者及護老者生活資訊網站