家燕姐與男友純純的愛

【蘋果日報】薛家燕一連兩場演唱會前晚在紅館圓滿結束，當晚有張智霖（Chilam）、譚詠麟（阿倫）及草蜢等做嘉賓。Chilam以初哥哥造型吹住哨子出場，家燕姐更大爆Chilam闊佬：「有次佢請我食一條六千幾蚊嘅魚，條魚仲滑過我啲肉。」另一嘉賓阿倫與家燕姐合唱後，突然從褲袋拿出一粒痣黐在額頭，還說：「呢粒痣如有神助，並唔係等閒之輩，今時今日仲可以有laser放射出嚟。」
完騷後，家燕姐在慶功宴上自爆男友連續兩晚捧場，更坐在第一排握手位：「仲未有時間介紹畀七公主識，或者遲啲安排食飯。」家燕姐稍後會跟男友及家人到日本旅遊，不過她表示沒打算結婚：「我咁嘅年紀仲結乜嘢婚呀？我咁忙又要成日飛嚟飛去，唔好令人唔安樂。」問到她跟男友是否純純的愛，家燕姐點頭答：「係，不過我好感激每個嘉賓都花盡心思演出，令我感受到厚厚嘅愛。」
採訪：馬建華
攝影：陳俊強
長青網 - 一站式長者及護老者生活資訊網站