曾獲邀赴內地百萬飯局35E莊端兒：收好多性騷擾訊息

【蘋果日報】黃子恆繼日前被爆偷嗒內地粉絲及搞大對方肚不認數，前日又被爆約35E巨胸歌手迪子去九龍塘玩「人魔大戰」。迪子的好姊妺、擁35E上圍的莊端兒前晚現身尖沙嘴的首映活動，她表示不認識黃子恆，但迪子曾向她提及此事，但就沒開名：「嗰陣我仲喺度諗，窈窕淑女，君子好逑，都正常，我以前都收過好多曖昧訊息，好多男人都用漁翁撒網式追女仔！我都唔識佢，可能迪子當我好朋友冇介紹我識，但如果遇到呢啲事件，冇回應就係最好回應。」
問莊端兒會否覺得黃子恆搞大粉絲肚猖狂，她表示不評論別人私生活。再問到身材性感會否容易受矚目，她說：「都會㗎，我個Ig inbox都收到好多性騷擾，有啲會影埋性器官嚟，我當睇唔到，試過有開價飯局，叫我去內地食飯可以收過百萬。」
邵仲衡：同人品有關
另外，邵仲衡亦有留意事件：「呢啲事情後生仔要自己留意，好心喇，可能同人品亦有關。做藝人要謹慎顧及形象，呢啲桃色糾紛嚴重影響自己嘅前途，人哋未必要唱衰你，喺好多地方都有呢啲事情發生，做呢行觀眾緣好緊要，無論你幾叻，幾靚仔靚女，都係形象行先。」
採訪、攝影：卓寶花
長青網 - 一站式長者及護老者生活資訊網站