新聞類別
娛樂
詳情#
【蘋果日報】岑麗香（香香）前日在Instagram手持一件BB衫公佈有喜後，昨晚在灣仔會展出席手錶品牌舉行的歡迎晚宴。香香身穿金色連身裙、腳踏高踭鞋閃亮登場，明顯見到腹部隆起，手腳仍纖幼，步伐仍然靈活，笑容十足。她笑言為了給自己留驚喜，忍口沒有問醫生腹中BB的性別。
預產期明年4月
香香接受訪問時表現興奮，先向各人表示不好意思，她說：「終於可以公佈，之前出席活動時，好多人都估吓估吓唔講得，都想面對面同屋企人講，咁先至夠尊重。」她透露前日宣佈有喜後，即收到不少祝福，目前已有五個月身孕，懷孕初期都有不舒服：「開頭飛來飛去，以為自己jet lag。目前都係散步、做瑜伽 ，預產期明年4月，會生小豬BB。」
袁偉豪計劃結婚
提到BB的性別，香香想有驚喜，所以每次去覆診時都會叫醫生遮蓋性別欄目。她暫時未知會在香港或加拿大生B，因為兩地都有好處，仍在跟老公強強商量，她說：「BB係今年最好嘅聖誕禮物，我都估佢唔到。暫時會買住啲黃色同白色BB衫，我都好享受，責任未係咁大，希望可以工作家庭兼顧。」又表示不會催新婚好友苟芸慧大肚，等佢享受一下二人世界再算。
同場的袁偉豪不知道香香有喜，指今年初跟對方到過溫哥華做騷，更反問記者香香陀仔還是陀女。他自言年尾喜事多：「祝香香身體健康，BB健康長大，身邊好多朋友都結咗婚有小朋友，自己都感動，都plan緊婚期，不過畀啲時間我搏殺。」 對於黃子恆被指搞大內地粉絲的肚子，他表示不方便講太多，但希望對方振作。
採訪：卓寶花
攝影：沈健程
長青網 - 一站式長者及護老者生活資訊網站
預產期明年4月
香香接受訪問時表現興奮，先向各人表示不好意思，她說：「終於可以公佈，之前出席活動時，好多人都估吓估吓唔講得，都想面對面同屋企人講，咁先至夠尊重。」她透露前日宣佈有喜後，即收到不少祝福，目前已有五個月身孕，懷孕初期都有不舒服：「開頭飛來飛去，以為自己jet lag。目前都係散步、做瑜伽 ，預產期明年4月，會生小豬BB。」
袁偉豪計劃結婚
提到BB的性別，香香想有驚喜，所以每次去覆診時都會叫醫生遮蓋性別欄目。她暫時未知會在香港或加拿大生B，因為兩地都有好處，仍在跟老公強強商量，她說：「BB係今年最好嘅聖誕禮物，我都估佢唔到。暫時會買住啲黃色同白色BB衫，我都好享受，責任未係咁大，希望可以工作家庭兼顧。」又表示不會催新婚好友苟芸慧大肚，等佢享受一下二人世界再算。
同場的袁偉豪不知道香香有喜，指今年初跟對方到過溫哥華做騷，更反問記者香香陀仔還是陀女。他自言年尾喜事多：「祝香香身體健康，BB健康長大，身邊好多朋友都結咗婚有小朋友，自己都感動，都plan緊婚期，不過畀啲時間我搏殺。」 對於黃子恆被指搞大內地粉絲的肚子，他表示不方便講太多，但希望對方振作。
採訪：卓寶花
攝影：沈健程
長青網 - 一站式長者及護老者生活資訊網站
回應 (0)
