【娛樂人物】鄧月平心嗰句

【蘋果日報】擁有36F上圍的鄧月平，身材理所當然地成為焦點，年紀輕輕已被標籤為花瓶也正常不過。銀幕上大癲大肺的她，其實有不為人知的一面，她曾因對自己太苛刻而患上情緒病，亦曾經迷失過，不過一切都過去了。青春仍是她的籌碼，21歲的鄧月平勝在仍年輕，決心重新出發，相信明天會更好。
撰文：盧妹
攝影：沈健程
鄧月平日前接受《蘋果》專訪，斷言現在變大膽了：「我唔知觀眾接唔接受咁認真嘅我，不過呢面係我最真實嘅一面。以前大家覺得我好唔正經、講嘢唔知講乜嘢咁，其實嗰個係掩飾緊自己嘅不安同驚，平日大家都好少聽到鄧月平講心底話，我依家就試吓大膽去講。」
領悟勿執着
鄧月平早前推出新歌《最佳演員》，歌詞充滿個人想法：「每人每日都演緊唔同角色，人生本來就有唔同角色，好多人都會有覺得吃力嘅時間，只係睇到自己黑點有幾黑，但睇唔到白點有幾白。時光倒流好多人都想，但係人生冇得NG，不如相信每個take就係最好嗰個take，唔好苛刻對自己。我對自己苛刻過，亦搵唔到出口，成日執着自己做得好唔好，不如唔好咁執着。」
因為有自身問題，鄧月平為了想幫助別人，而考了催眠治療師牌：「我都抑鬱過，嗰時睇麥浚龍嗰套《殭屍》，我覺得好好睇，因為我睇到解脫兩個字。其實我做催眠治療師，就係想幫喺情緒病入面迷惘緊嘅人得到解脫。」而決心重新出發的她，開始做音樂，喜歡創作：「《最佳演員》呢首歌要好多謝填詞、編曲同監製，因為成品我只係佔10%。我都鍾意創作，平日開心同唔開心都會寫故事，將自己嘅感受投入落去，嚟緊仲諗住出書。」
長青網 - 一站式長者及護老者生活資訊網站