新聞類別
娛樂
詳情#
【蘋果日報】大生銀行後人馬清揚同老婆錢慧儀結婚23年，一直恩愛，今年7月驚傳佢哋婚變，冷戰四個月。有傳錢慧儀受情緒病困擾，10月馬清揚出席活動時，直認太太赴美養病︰「依家休養緊，身體同心情都OK，佢喺美國同個仔住，唔使喺香港環境太窄同緊張。」
Ksenia辦登機
近日有讀者報料，話馬清揚兩年半前結識烏克蘭金髮索模新歡Ksenia B.，仲喺中上環某精品公寓酒店置「私竇」，方便過夜，佢哋不時結伴遊船河、坐私人直升機同出埠睇賽車。同時，讀者仲報料話佢哋噚日朝早會坐國泰航班CX5350去峇里，《蘋果》喺機場守候，10點半就見到素顏戴黑超嘅Ksenia單拖出現，去櫃位辦登機手續，但就唔見馬清揚。
《蘋果》就傳聞向馬清揚求證，佢話自己喺香港：「我仲喺灣仔塞緊車。」對於暗撻女模新歡Ksenia，馬清揚否認：「唔識，可能日日出街啲人傳。」問到同太太關係，佢話：「依家都係冷戰，冇乜進展。」問緋聞會唔會加深太太誤會，佢激動話：「點樣誤會？呢啲係傳，都唔關我事，你哋喺度亂咁傳。」
馬清揚話太太同囝囝返香港過聖誕，但同太太冷戰就冇改善︰「都係咁樣。講咗咁多次，冇乜進展。」問會唔會離婚？佢話：「冇諗過咁多嘢，唔驚得咁多，暫時冇問題，時間慢慢磨合，有對話空間。」最後，馬清揚強調自己冇婚外情，對Ksenia冇印象。
撰文：馮仁昭
長青網 - 一站式長者及護老者生活資訊網站
Ksenia辦登機
近日有讀者報料，話馬清揚兩年半前結識烏克蘭金髮索模新歡Ksenia B.，仲喺中上環某精品公寓酒店置「私竇」，方便過夜，佢哋不時結伴遊船河、坐私人直升機同出埠睇賽車。同時，讀者仲報料話佢哋噚日朝早會坐國泰航班CX5350去峇里，《蘋果》喺機場守候，10點半就見到素顏戴黑超嘅Ksenia單拖出現，去櫃位辦登機手續，但就唔見馬清揚。
《蘋果》就傳聞向馬清揚求證，佢話自己喺香港：「我仲喺灣仔塞緊車。」對於暗撻女模新歡Ksenia，馬清揚否認：「唔識，可能日日出街啲人傳。」問到同太太關係，佢話：「依家都係冷戰，冇乜進展。」問緋聞會唔會加深太太誤會，佢激動話：「點樣誤會？呢啲係傳，都唔關我事，你哋喺度亂咁傳。」
馬清揚話太太同囝囝返香港過聖誕，但同太太冷戰就冇改善︰「都係咁樣。講咗咁多次，冇乜進展。」問會唔會離婚？佢話：「冇諗過咁多嘢，唔驚得咁多，暫時冇問題，時間慢慢磨合，有對話空間。」最後，馬清揚強調自己冇婚外情，對Ksenia冇印象。
撰文：馮仁昭
長青網 - 一站式長者及護老者生活資訊網站
回應 (0)
