潘源良二次創作唱香港

【蘋果日報】浪子詞人潘源良踩過界開騷，將於明年2月假灣仔壽臣劇院舉行「潘源良生炒廣東話之有辣有唔辣」，玩二次創作唱盡香港悲歡離合。飲廣東話奶大的潘源良昨接受訪問時表示：「我哋呢班音樂人，每逢初一十五會聚集即興jam歌，既然音樂可以變化，歌詞亦可以更貼地表達感受，於是就二創。」
首支二創歌《狗竇陷阱》已在網上推出，由《愛情陷阱》二次創作改編，歌詞抵死，潘源良說：「近期廣東話竟然成為自我質疑嘅題目，我幾十年做所有嘢都靠廣東話，當然要講番幾句棟篤喊。二創歌曲會有十幾首，有辣有唔辣，辣嘅係貼地，講劏房、講普選、講養老、講高官表現、講食老本、港女同大媽。」
採訪：皓騫
長青網 - 一站式長者及護老者生活資訊網站