唱功被彈　後天惡補

【蘋果日報】六年沒開個唱的鄭伊健將於明年2月回歸紅館舞台，雖然伊健有不少經典情歌，如《一個為你甘去蹈火海的人》、《動地驚天愛戀過》、《友情歲月》等，但曾經被彈唱功麻麻，被問到曾否對唱歌心灰意冷？他說：「托賴出道有一定成績，我仲有時間可以改進，先天未必係最強，我到依家都仲有學，會接受新嘢，依家唔係話最好，但可以handle到，有信心做到一個稱職嘅騷。」
「對唔住自己」
當時伊健拍戲之餘又要錄歌，他坦言未能兼顧：「以前好驚，有段時間覺得對唔住自己，因又要拍戲又要唱歌，今晚錄唔到隻歌就冇時間再錄，因為聽日飛咗去拍戲，但隻歌出街，大家會話咁嘅，但我冇得賴，出咗街就出咗街，下次會醒目啲，唔好嘅就唔出街，有啲歌我覺得未做到最好，但我會搬上演唱會再唱一次，隻歌可以再好啲。」
長青網 - 一站式長者及護老者生活資訊網站