麥玲玲教路出Trip造人

【蘋果日報】堪輿學家麥玲玲昨日於彩虹拍攝廣告，娛圈近日喜事連連，被問到鍾欣潼昨日正式註冊結婚，有否算到她很快再報喜？玲玲姐說：「記憶中佢哋啱啱拍拖時喺飛機撞過，知道佢哋今年係結婚年，有喜事，有喜嘅話就要努力啲，要配合時間同出多啲trip，OK嘅，海外造人機會大啲。」
玲玲姐之前批中蕭正楠跟黃翠如會結婚，她笑說：「其實我睇佢哋嘅盤時已經知道佢哋結咗婚，我梗係唔講啦，所以我就講笑咁話佢哋偷偷哋註咗冊，噚日我恭喜咗翠如，佢喺度大笑，仲話我好勁，我同佢講話希望第二樣都準，就係明年添丁，佢好開心話承你貴言。」玲玲姐還爆已為C君擇日結婚，她笑言會贊助酒席，她說：「點知佢揀四季，睇佢擺幾多圍先，開心嘅。」
採訪、攝影：羅慧敏
長青網 - 一站式長者及護老者生活資訊網站