新聞類別
娛樂
詳情#
【蘋果日報】周柏豪踏入34歲後，對「老少平安」越有更深刻體會，自言甚有親和力的周柏豪，每次「吹雞」家人都會和應，共享天倫。這名顧家極品暖男遺傳了母親的善心，柏豪早前到社企探訪，希望身體力行令粉絲都能愛己及人，多關心社會及照顧弱勢社群。
採訪：馬建華
攝影：葉君海
聽到別人送上一句傳統祝福語「老少平安」，便有種暖在心的感覺，周柏豪更將這份祝福化作行動，日前到長沙灣一間社企開設的餐廳探訪，跟廚師學做一道家常菜「老少平安」。柏豪敬佩餐廳打理人宋太為了患有自閉症的愛女Flora付出，辭去穩定工作開辦餐廳，並聘用傷健人士為大部份員工，務求令愛女與同樣遭遇的人學到一技之長。跟宋太傾談餐廳面對的困難後，柏豪逐一跟員工合照留念，寫下「好人，好餐廳，繼續努力，加油！」字句作為鼓勵。
生命影響生命
柏豪坦言越來越追求簡單生活，爭取多點見家人，他說：「如果每個月同屋企人見一、兩次，一年只係見到十幾、二十次，當所有嘢有數得計時，自己同身邊人都會好好去珍惜見多啲，製造多啲開心美好回憶。」
家常便飯是一家人共享天倫時光，柏豪相信這個年代應該好少家庭能夠做到，一來是「土地問題」受居住環境限制，二來是工作時間難以配合，他慶幸說：「我有種能夠聚集屋企人能力，大家都好錫我，覺得我好難見面，當我喺屋企群組講我聽日放假，大家留個期畀我，就會約到食飯，或者出去飲茶。」每次回家吃飯，柏豪父母都會問他最想吃甚麼，柏豪露出幸福笑容：「我外母煮飯好叻，每次我老婆都話如臨大敵，但外母就好開心，因為有人識欣賞，人大咗更享受屋企食飯，傾吓偈，食完飯睇吓電視，同小朋友玩吓、食吓生果。」所做的雖然簡單，但柏豪覺得是人生最開心的事，正因為一家能齊齊整整聚首一堂。
社會上不少人以生命影響生命，正如宋太一樣，柏豪指日常物質上如波鞋、服飾都獲得不少品牌贊助，他說：「坦白講我都用唔完，甚至乎會堆積成一座山，影響屋企環境，所以我每隔一、兩個月，將啲嘢影咗先，完成嗰部份工作，然後就會賣畀啲朋友，例如佢用300蚊買咗對鞋，我收到錢之後會加多300蚊，再捐畀啲慈善機構。」雖然是私下行動，但柏豪認為此舉是贊助品牌、朋友及自己去成就一件有意義的事，既不浪費又能幫助有需要的人，原來不少朋友更以高出原本定價去買，柏豪更樂意以高出的金額捐給慈善機構。
組粉絲義工團
柏豪的善心多少來自媽媽遺傳，周媽媽不時組織義工團，為老人家打掃屋企。每次母親分享義工經歷，自己亦有所得着。早前他跟歌迷的聚會移師到錦田大樹下舉行，他說：「當日叫歌迷放低電話，用眼用心去做義工工作，幫動物沖涼、餵食嘢同陪動物玩，正正係想為呢個機構做嘢，因為大樹下係好需要經費同義工去幫手，希望再有機會再去。」柏豪有想過成立慈善基金，但礙於對相關事項認識不多，又未有一個好好單位幫手運作，但相信未來有成立可能性，因為可以幫助更多有需要的人。
場地提供：喜樂餐飲教室
長青網 - 一站式長者及護老者生活資訊網站
採訪：馬建華
攝影：葉君海
聽到別人送上一句傳統祝福語「老少平安」，便有種暖在心的感覺，周柏豪更將這份祝福化作行動，日前到長沙灣一間社企開設的餐廳探訪，跟廚師學做一道家常菜「老少平安」。柏豪敬佩餐廳打理人宋太為了患有自閉症的愛女Flora付出，辭去穩定工作開辦餐廳，並聘用傷健人士為大部份員工，務求令愛女與同樣遭遇的人學到一技之長。跟宋太傾談餐廳面對的困難後，柏豪逐一跟員工合照留念，寫下「好人，好餐廳，繼續努力，加油！」字句作為鼓勵。
生命影響生命
柏豪坦言越來越追求簡單生活，爭取多點見家人，他說：「如果每個月同屋企人見一、兩次，一年只係見到十幾、二十次，當所有嘢有數得計時，自己同身邊人都會好好去珍惜見多啲，製造多啲開心美好回憶。」
家常便飯是一家人共享天倫時光，柏豪相信這個年代應該好少家庭能夠做到，一來是「土地問題」受居住環境限制，二來是工作時間難以配合，他慶幸說：「我有種能夠聚集屋企人能力，大家都好錫我，覺得我好難見面，當我喺屋企群組講我聽日放假，大家留個期畀我，就會約到食飯，或者出去飲茶。」每次回家吃飯，柏豪父母都會問他最想吃甚麼，柏豪露出幸福笑容：「我外母煮飯好叻，每次我老婆都話如臨大敵，但外母就好開心，因為有人識欣賞，人大咗更享受屋企食飯，傾吓偈，食完飯睇吓電視，同小朋友玩吓、食吓生果。」所做的雖然簡單，但柏豪覺得是人生最開心的事，正因為一家能齊齊整整聚首一堂。
社會上不少人以生命影響生命，正如宋太一樣，柏豪指日常物質上如波鞋、服飾都獲得不少品牌贊助，他說：「坦白講我都用唔完，甚至乎會堆積成一座山，影響屋企環境，所以我每隔一、兩個月，將啲嘢影咗先，完成嗰部份工作，然後就會賣畀啲朋友，例如佢用300蚊買咗對鞋，我收到錢之後會加多300蚊，再捐畀啲慈善機構。」雖然是私下行動，但柏豪認為此舉是贊助品牌、朋友及自己去成就一件有意義的事，既不浪費又能幫助有需要的人，原來不少朋友更以高出原本定價去買，柏豪更樂意以高出的金額捐給慈善機構。
組粉絲義工團
柏豪的善心多少來自媽媽遺傳，周媽媽不時組織義工團，為老人家打掃屋企。每次母親分享義工經歷，自己亦有所得着。早前他跟歌迷的聚會移師到錦田大樹下舉行，他說：「當日叫歌迷放低電話，用眼用心去做義工工作，幫動物沖涼、餵食嘢同陪動物玩，正正係想為呢個機構做嘢，因為大樹下係好需要經費同義工去幫手，希望再有機會再去。」柏豪有想過成立慈善基金，但礙於對相關事項認識不多，又未有一個好好單位幫手運作，但相信未來有成立可能性，因為可以幫助更多有需要的人。
場地提供：喜樂餐飲教室
長青網 - 一站式長者及護老者生活資訊網站
回應 (0)
