Mani嫁妹送金豬

【蘋果日報】鍾欣潼經理人霍汶希，昨日下午3時45分就到達餐廳，她透露買了金豬作為賀禮，記者表示阿嬌講過不要豬，Mani笑說：「我唔理啦，佢阿媽話最緊要好運。」Mani又代阿嬌解釋低調註冊的原因：「因為佢想正式擺酒先同大家分享喜悅，阿嬌唔想煩到人哋，唔好意思。我都同佢講呢個世界好難保密，因為始終有咁多人知道，所以呢幾日我都好辛苦，個個朋友問我，又唔可以答。」
問到Mani「嫁女」心情如何？她笑說：「唔係嫁女，係嫁妹。我覺得好開心，雖然好破費。」她希望再買金豬做結婚禮物：「希望下一隻金豬係紅姐（惠英紅）同阿Sa。」問到阿嬌註冊有否令她感動？Mani坦言：「有，我帶咗一包紙巾嚟。」
長青網 - 一站式長者及護老者生活資訊網站