青雲險被急流沖走

【蘋果日報】劉青雲、林峯、蔡卓妍（阿Sa）和導演韋家輝，昨日在灣仔出席電影《神探大戰》的煞科宴。青雲與韋家輝相隔十年再合作更有默契，青雲自嘲被虐狂，拍跳急流戲時很驚險：「佢知道我可以浸喺水幾耐、燒幾耐，爆炸要幾多秒走得甩。事前有武師示範，但有一下差啲沖咗出閘。」
青雲又大讚阿Sa演技：「最驚險係佢要揸快車，聽聞我係倖存者。」阿Sa亦認同拍到差點死：「有一幕我俾人用保鮮紙包住個頭，劇組本來篤咗兩個窿畀我唞氣，但導演話鏡頭睇到唔得，個shot拍咗一分鐘，拍完我想嘔。」林峯畏高，要頂硬上拍高空場面，又說：「我哋用嗰啲槍好似戰爭片咁，日日係咁爆。」
採訪︰盧妹
攝影：陳俊強
長青網 - 一站式長者及護老者生活資訊網站