吳千語見林峯打招呼

【蘋果日報】吳千語昨晚超deep V上陣，出席鍾欣潼婚禮，她笑說送現金最實際，並祝福阿嬌盡早生B︰「快啲生番幾個寶貝啦！阿嬌本身都鍾意小朋友。」問到參加婚禮會否令她有結婚衝動，她說︰「我就尚早，過多幾年至諗。」
問到千語在婚禮上碰見舊愛林峯會否尷尬？她直言︰「唔會！見到佢會打招呼，都過咗咁耐。」談到林峯戀索模，會否祝福他早日結婚？她避忌說︰「佢嘅事我唔評論。」提到早前傳他們翻撻，她反應很大︰「吓！呢啲你哋寫啫，梗係冇啦。假嘅！假嘅！」至於現在的感情生活，千語賣關子說︰「依家有定冇都好開心、充實，啱啱拍完兩部戲，1月又要走，聖誕會休息。」她強調不會孤獨過節︰「聖誕約咗朋友，唔係一個人過。」
長青網 - 一站式長者及護老者生活資訊網站