新聞類別
娛樂
詳情#
【蘋果日報】【爆相爆片】劉德華前晚於紅館舉行演唱會，發生歌迷跳上台事件。《蘋果》讀者李先生透過「爆相爆片」直擊，前晚的演唱會至尾聲近11時，當華仔行到伸展台時，突然有男觀眾飛身撲向華仔，令全場嚇呆。
親自送落台
男觀眾飛撲上台時懷疑跣倒，一度跪在台上，華仔大叫：「你小心呀！」即時飛奔上前慰問：「你冇事嘛？」男觀眾借勢攬實華仔，而華仔亦跪地攬實對方慰問，兩名保安更即時上台協助，華仔說：「佢跣咗上台、大家要注意安全。」幸好對方沒有大礙，華仔更親自扶歌迷行落後台，邊行邊緊張慰問，保安隨後護送男觀眾入後台，華仔驚魂甫定後，抹一額汗表示：「你哋小心呀，之前自己都發生過墮馬意外，大家要注意安全，千萬唔好再做呢啲事，唔想大家受傷。」
前晚，華仔個唱來到第六場，星級觀眾依然陸續有來，除了劉嘉玲、梁詠琪（GiGi）外，還有奧運體操冠軍李小鵬。GiGi前晚完騷後在Ig上載一條睇騷片，當時華仔正在唱95年與她合演的電影《烈火戰車》主題曲《情深的一句》。雖然GiGi與華仔其後都有曾合作過，但忽然回帶到20幾年前，令她很感動，一邊聽、一邊用手拍心口，眼濕濕激動地說：「好感動！20年前喇，20年前我成個儍婆咁，依家都係……」。
梁詠琪感動
當晚完騷後，GiGi又到後台找華仔合照，更在Ig貼相留言晒命：「係呀你冇睇錯！我係摸住佢心口，佢係揸住我隻手呀！今晚在烈火戰車的23年後再聽到《情深的一句》令我想起戴住眼鏡的阿儀，同戴住頭盔的阿祖，特別感動！原來已經認識華仔23年，一直佩服你做人做事的認真態度，是我一直非常尊敬的藝人，今日非常感謝你帶給我們這精采的演唱會，和唱出《情深的一句》。」
採訪：皓騫
長青網 - 一站式長者及護老者生活資訊網站
親自送落台
男觀眾飛撲上台時懷疑跣倒，一度跪在台上，華仔大叫：「你小心呀！」即時飛奔上前慰問：「你冇事嘛？」男觀眾借勢攬實華仔，而華仔亦跪地攬實對方慰問，兩名保安更即時上台協助，華仔說：「佢跣咗上台、大家要注意安全。」幸好對方沒有大礙，華仔更親自扶歌迷行落後台，邊行邊緊張慰問，保安隨後護送男觀眾入後台，華仔驚魂甫定後，抹一額汗表示：「你哋小心呀，之前自己都發生過墮馬意外，大家要注意安全，千萬唔好再做呢啲事，唔想大家受傷。」
前晚，華仔個唱來到第六場，星級觀眾依然陸續有來，除了劉嘉玲、梁詠琪（GiGi）外，還有奧運體操冠軍李小鵬。GiGi前晚完騷後在Ig上載一條睇騷片，當時華仔正在唱95年與她合演的電影《烈火戰車》主題曲《情深的一句》。雖然GiGi與華仔其後都有曾合作過，但忽然回帶到20幾年前，令她很感動，一邊聽、一邊用手拍心口，眼濕濕激動地說：「好感動！20年前喇，20年前我成個儍婆咁，依家都係……」。
梁詠琪感動
當晚完騷後，GiGi又到後台找華仔合照，更在Ig貼相留言晒命：「係呀你冇睇錯！我係摸住佢心口，佢係揸住我隻手呀！今晚在烈火戰車的23年後再聽到《情深的一句》令我想起戴住眼鏡的阿儀，同戴住頭盔的阿祖，特別感動！原來已經認識華仔23年，一直佩服你做人做事的認真態度，是我一直非常尊敬的藝人，今日非常感謝你帶給我們這精采的演唱會，和唱出《情深的一句》。」
採訪：皓騫
長青網 - 一站式長者及護老者生活資訊網站
回應 (0)
