何韻詩請槍悼盧凱彤

【蘋果日報】何韻詩相隔兩年再開騷，一連六場「我們正在何韻詩2018演唱會」前晚在科學園舉行首場。阿詩在台上唱出自己的經典歌外，演唱會中段唱出亡友盧凱彤為她寫的《青春祭》，並獻唱了盧凱彤的另一首作品《大拇指之歌》，之後獻唱一首由她親自作曲及填詞的《代你白頭》悼亡友。阿詩表示自己寫完16個字就寫不下去，於是交給黃偉文代寫，剛好在開騷前一天收到對方的歌詞，來得及在台上獻唱。
「寫極都寫唔出」
阿詩在台上說：「開心呢，十世冇唱，有冇人記得上次唱係幾時？正確答案係我自己都唔記得。今次演唱會係一個旅程，我哋都老啦，呢樣冇得唔認，生活上有咁多經歷，開心、唔開心嘅情緒都有過，都有過無助時候，所以今次係向心探索嘅旅程。」完騷後，阿詩接受訪問提到新歌《代你白頭》時說︰「寫嗰時冇諗過係寫畀邊個，只係想寫一首歌出嚟，依家就係寫畀阿妹（盧凱彤）。有呢個合寫嘅諗法已經係兩、三個月前，之前諗住自己填詞，但寫極都寫唔出，我畀咗Wyman（黃偉文），最後佢好似大學生幫小學生咁，冇改我嘅嘢，就變咗依家呢個版本。
採訪：曹家誠
攝影：林賓尼