混血女婿漢化好啱傾

【蘋果日報】有「屯門王子」之稱的鄧英敏，原來搬過多次屋，先後住過廣播道、沙田、九龍塘等，原來全為遷就子女讀書︰「試過住沙田，仔女喺九龍塘返學，架校車返到嚟，咦！點解唔見咗對仔女，原來佢哋搭長途車太攰，瞓着碌咗落地。嘩，幾陰功！」
女兒鄧上文先後誕下三個囝囝，「三公」鄧英敏對孫兒也是無私奉獻，孫仔的興趣班都由他負責︰「呢個年代搵食艱難，後生仔都係食父母老本，咁你百年歸老，物業、現金都係留畀仔女。」雖然女婿是混血兒，但兩翁婿無代溝，敏哥也努力教孫仔中文︰「我女婿係澳洲溝歐洲，我個女都係mix，惠州溝潮州。女婿6歲嚟香港已經『漢化』，同我好夾；我嗰幾個孫，曳得嚟好可愛、聰明，仲好鬼馬。」
長青網 - 一站式長者及護老者生活資訊網站