【娛樂人物】章小蕙細佬　章宇昂　家人冇得揀

【蘋果日報】章宇昂這名字聽起來有點陌生，八年前大學畢業後，他挾着章小蕙弟弟之名，毅然投身香港娛樂圈，近年主力在內地發展。他是章小蕙同父異母弟弟，姊弟關係疏離，在他心目中，姊姊是一位強女人，雖然要面對複雜的家庭背景，但這一切他都欣然接受，因為「你冇得選擇你嘅家庭，做好自己吧！」
撰文：羅慧敏
攝影：葉君海
章宇昂在加拿大成長，來港後便入讀藝員訓練班，曾參與演出多部無綫劇集。現年30歲的他依然嚮往娛樂圈生活，但無時無刻背負着「章小蕙弟弟」之名，他坦言此稱號有礙發展。
感激亡父
日前在西九區接受《蘋果》專訪的章宇昂無奈地說：「我出生喺呢個家庭，冇得選擇，唔單止係我，所有人都冇得選擇。好不幸，有啲人話有影響，亦有人話冇，人哋點諗我控制唔到，我同佢（章小蕙）係兩個generation嘅人，呢方面我不嬲唔睇太重，我唯一可以做係我嘅專業，攝影機前做好自己。」
章宇昂十分感激已離世的爸爸，把事情處理得很妥善，兩個家庭分開處理：「我唔開心係因為爸爸喺我27、28歲嘅時候就走，都係細咗啲，大部份時間自己要執生。」他直言和章小蕙很少來往：「爸爸走咗之後，我哋各有各忙，對我嚟講越忙越好，因為唔使諗太多，你冇得選擇你嘅家庭，自己做好自己吧！」不過壓力還是會存在，他覺得最重要是向前看，計劃未來，向夢想進發，努力一定有回報。
希望結婚
在章宇昂心中，親生媽媽是superwoman，姊姊章小蕙是強女人：「She's really strong！我同佢好少來往，但來往嘅時候都OK嘅。反而喺無綫做嘢見過一次B哥（鍾鎮濤），佢好友善，真係好好人。」
章小蕙早年活躍香港時尚圈，曾被冠壞女人、拜金等負評，章宇昂始終認為大家都是一家人：「我只希望自己可以結婚，我唔會因為屋企人嘅婚姻關係影響自己睇法，各人有各人目標。」對於姊姊再度活躍，他予以支持：「我完全唔知，如果真係復出，I wish her the best！佢喺我心目中係好強嘅女人。」
【後悔放棄進軍荷李活】
醉心演戲的章宇昂大學時修讀商業與音樂，精通中、英、法、日、廣東話多種語言，愛好滑雪、網球、跑步，可謂文武雙全。
章宇昂曾有機會到荷李活發展，最後選擇進軍內地，他坦言有點後悔：「試咗鏡做迪士尼《花木蘭》男一，當時接咗內地劇《狄仁傑》，因為我對導演嘅尊重，所以冇拍《花木蘭》，係有啲後悔，知道甄子丹會參演，wish him the best！」他有很多偶像，包括占士甸（James Dean）、里安納度狄卡比奧（Leonardo DiCaprio）、梁朝偉和周潤發等，希望將來有機會和發哥合作。
長青網 - 一站式長者及護老者生活資訊網站