新聞類別
娛樂
詳情#
【蘋果日報】星座小王子不經不覺為大家預測星座運程二十年，本名王安迪的他，前身是寶麗金唱片公司宣傳人員，當年帶着新入行的張學友出去接受傳媒訪問，星座小王子日前在灣仔接受專訪時話當年：「當年帶住學友，都係我第一份工，我同佢都係初出茅廬小子，大家好多嘢啱傾，佢係典型巨蟹座好男人，學友好重情義，依家撞見都好親切。」星座小王子曾過檔華星唱片做高層，工作上也幫過鄭秀文（Sammi）、林憶蓮和孫耀威等。
陪陳海琪開咪成名
取名星座小王子，原來出自資深DJ陳海琪手筆，星座小王子說：「97年大除夕，我去一個朋友嘅生日會，去完仲有倒數party，陳海琪要返去電台做《海琪的天空》，佢要我陪佢返去開咪，海琪開咪就講『今日特別嘉賓係星座小王子』，咁啱嗰晚節目反應好好，於是我就多咗星座小王子嘅身份。」星座小王子自此便經常出現電台、媒體和專欄，跟大家預測星座運程。
星座小王子表示星座和生肖都是依據一個人出生日期計算：「冇話邊個準啲，計算出嚟人生大方向都會一樣。中國文化同西方文化上有唔同，中國人好命係睇你有冇錢，係咪做官有權，屋企關係點，子女係咪孝順，但西方人嘅lucky會着重心靈上，佢哋認為有錢但唔開心，都唔代表係好運，所以星座着重心理，幫助人生活得更開心。」星座小王子雖篤信星座，但不會每事都要算一算：「我心態相信命運，順其自然，好多嘢係整定，知道人生大方向就好，最重要係迷而不信，我唔會為自己推算。」
採訪：比華利
攝影：沈健程
場地提供：Santé Wine Bar
陪陳海琪開咪成名
取名星座小王子，原來出自資深DJ陳海琪手筆，星座小王子說：「97年大除夕，我去一個朋友嘅生日會，去完仲有倒數party，陳海琪要返去電台做《海琪的天空》，佢要我陪佢返去開咪，海琪開咪就講『今日特別嘉賓係星座小王子』，咁啱嗰晚節目反應好好，於是我就多咗星座小王子嘅身份。」星座小王子自此便經常出現電台、媒體和專欄，跟大家預測星座運程。
星座小王子表示星座和生肖都是依據一個人出生日期計算：「冇話邊個準啲，計算出嚟人生大方向都會一樣。中國文化同西方文化上有唔同，中國人好命係睇你有冇錢，係咪做官有權，屋企關係點，子女係咪孝順，但西方人嘅lucky會着重心靈上，佢哋認為有錢但唔開心，都唔代表係好運，所以星座着重心理，幫助人生活得更開心。」星座小王子雖篤信星座，但不會每事都要算一算：「我心態相信命運，順其自然，好多嘢係整定，知道人生大方向就好，最重要係迷而不信，我唔會為自己推算。」
採訪：比華利
攝影：沈健程
場地提供：Santé Wine Bar
回應 (0)
