郭羨妮喊戲悼阿梅

【蘋果日報】郭羨妮、林德信、江欣燕及胡杏兒等，前晚在銅鑼灣出席電影《朝花夕拾．芳華絕代》首映禮，電影是一套敍述梅艷芳粉絲的真實故事，紀念這名一代歌后，梅媽覃美金與長子梅啟明帶同孫兒現身捧場。郭羨妮在片中飾演fans，有多場落淚戲，她說：「冇滴過眼藥水去演，全部真心真意喊出嚟。」她又笑言因為老公朱少傑經常看到她拍落淚戲，早已熟知她的伎倆：「老公係鐵漢但唔柔情，如果真係喊佢會安慰我，扮喊呃佢唔到。」


胡杏兒則飾演和阿梅識於微時的好友，她說：「我家姐都係阿梅嘅超級fans，可惜入行時冇機會見過佢本人，睇到阿梅真係收藏起fans送畀佢嘅禮物、書信，阿梅對我嚟講絕對係學習前輩。」


採訪：卓寶花

攝影：陳慧安