新聞類別
娛樂
詳情#
【蘋果日報】現年58歲的劉偉強，81年加入邵氏，當時從低做起，其後晉升助理攝影師、副攝影師，直到85年正式成為攝影師。在劉偉強的鏡頭下，曾經拍攝過不少賣座電影，包括由王家衛執導的《阿飛正傳》及周星馳主演的《百變星君》，片種涉獵甚廣。之後轉型做導演，拍攝《古惑仔》經典系列，入行多年的劉偉強，原來最大夢想是退休後穿州過省拍紀錄片
撰文：何永寧
攝影：陳俊強
近年劉偉強的電影相對古惑仔年代，年產減少，平均每年出品一套，今年就拍攝以古裝為題材的《武林怪獸》，當中採用了不少電腦特技，日前他在觀塘接受訪問，談到對上一次執導的古裝加CG電影是《風雲：雄霸天下》，相隔20年再拍電影《武林怪獸》，他笑言是美麗的巧合：「咁耐冇拍古裝咪拍番，其實我都拍好多古裝片，好似《老鼠愛上貓》、《血滴子》、《風雲》同《武林怪獸》，最似嘅地方係《風雲》有隻火麒麟，《武林》就有隻『招財』怪獸仔。」
拍紀錄片圓夢
其實劉偉強先後為不少電影擔任攝影師和導演，但原來在他心目中，希望在退休之年拍紀錄片，他說：「我諗到嗰陣去拍documentary，揸架jeep，將啲相機器材擺喺後面，穿州過省，見到乜嘢就拍乜，好似我前幾日睇咗套戲，內容係講去拉薩朝聖嘅紀錄片，中間生仔，車壞咗，好紀實。其實電影都係紀錄片，好似《古惑仔》都係紀錄片，我當時都係用紀錄片嘅手法，去紀錄古惑仔。」但要實現這個夢想，相信仍有一段相當長的時間。
在新片中出現的「招財」怪獸仔，他不諱言這個特技差不多用了一年才完成後期工作，他說：「開頭做咗好耐都唔滿意，怪獸仔嘅眼神唔單止要有戲，甚至連外表毛毛都要真，嗰陣出嚟嘅效果唔係好滿意，最後畀公司隻狗小強（英國曲架犬）啟發到，再搵屋企隻西班牙水犬Echo嚟做藍本。狗係我哋好好朋友，分咗好多動態同眼神，毛嘅質地都係似Echo。」劉偉強一向是愛狗之人，儍強是收養別人棄養的寵物，到今日已成為公司的鎮山愛犬，他還說：「今次同《風雲》嘅觀感唔一樣，我哋希望可以畀到大家其中一個訊息，係希望世人能夠重視動物權益，尊重生命。」
提到古裝片出現怪獸的電影，不得不跟《捉妖記》相提並論，劉偉強說：「我都睇過，冇所謂嘅，其實好唔同。事實我隻怪獸仔幾萌，太耐冇呢啲戲，應該拍番啲片畀細路仔睇，需要嘅。」劉偉強直言做導演不可少的是一顆童心：「擁有一顆童心，人就會根據劇情、劇本改變，導演就係細路仔，要有呢個心，至可以拍到嘢。童心可以令你知道好多嘢都唔識，好似當年《風雲》唔識特技，每日上堂去睇書。唔可以當自己大導演，乜嘢都識。」他更自爆經常睇Netflix偷師：「做人要不停武裝自己，唔係就落後，尤其我哋呢類商業電影，更要知道外面發生緊乜嘢。」
「唔好無中生有」
對於近年CG當道，Marvel及DC的電影都倚賴大量電腦技術，似乎已成為趨勢，劉偉強反而認為特技要跟電影走，他說：「唔好無中生有，我嘅戲唔同Marvel，全部漫畫改編，變咗佢哋好多嘢順理成章用CG。成日都話劇本應有就有，冇就冇，今次隻『招財』都係寫到怪獸仔，因為劇本需要至創造出嚟。」
撰文：何永寧
攝影：陳俊強
近年劉偉強的電影相對古惑仔年代，年產減少，平均每年出品一套，今年就拍攝以古裝為題材的《武林怪獸》，當中採用了不少電腦特技，日前他在觀塘接受訪問，談到對上一次執導的古裝加CG電影是《風雲：雄霸天下》，相隔20年再拍電影《武林怪獸》，他笑言是美麗的巧合：「咁耐冇拍古裝咪拍番，其實我都拍好多古裝片，好似《老鼠愛上貓》、《血滴子》、《風雲》同《武林怪獸》，最似嘅地方係《風雲》有隻火麒麟，《武林》就有隻『招財』怪獸仔。」
拍紀錄片圓夢
其實劉偉強先後為不少電影擔任攝影師和導演，但原來在他心目中，希望在退休之年拍紀錄片，他說：「我諗到嗰陣去拍documentary，揸架jeep，將啲相機器材擺喺後面，穿州過省，見到乜嘢就拍乜，好似我前幾日睇咗套戲，內容係講去拉薩朝聖嘅紀錄片，中間生仔，車壞咗，好紀實。其實電影都係紀錄片，好似《古惑仔》都係紀錄片，我當時都係用紀錄片嘅手法，去紀錄古惑仔。」但要實現這個夢想，相信仍有一段相當長的時間。
在新片中出現的「招財」怪獸仔，他不諱言這個特技差不多用了一年才完成後期工作，他說：「開頭做咗好耐都唔滿意，怪獸仔嘅眼神唔單止要有戲，甚至連外表毛毛都要真，嗰陣出嚟嘅效果唔係好滿意，最後畀公司隻狗小強（英國曲架犬）啟發到，再搵屋企隻西班牙水犬Echo嚟做藍本。狗係我哋好好朋友，分咗好多動態同眼神，毛嘅質地都係似Echo。」劉偉強一向是愛狗之人，儍強是收養別人棄養的寵物，到今日已成為公司的鎮山愛犬，他還說：「今次同《風雲》嘅觀感唔一樣，我哋希望可以畀到大家其中一個訊息，係希望世人能夠重視動物權益，尊重生命。」
提到古裝片出現怪獸的電影，不得不跟《捉妖記》相提並論，劉偉強說：「我都睇過，冇所謂嘅，其實好唔同。事實我隻怪獸仔幾萌，太耐冇呢啲戲，應該拍番啲片畀細路仔睇，需要嘅。」劉偉強直言做導演不可少的是一顆童心：「擁有一顆童心，人就會根據劇情、劇本改變，導演就係細路仔，要有呢個心，至可以拍到嘢。童心可以令你知道好多嘢都唔識，好似當年《風雲》唔識特技，每日上堂去睇書。唔可以當自己大導演，乜嘢都識。」他更自爆經常睇Netflix偷師：「做人要不停武裝自己，唔係就落後，尤其我哋呢類商業電影，更要知道外面發生緊乜嘢。」
「唔好無中生有」
對於近年CG當道，Marvel及DC的電影都倚賴大量電腦技術，似乎已成為趨勢，劉偉強反而認為特技要跟電影走，他說：「唔好無中生有，我嘅戲唔同Marvel，全部漫畫改編，變咗佢哋好多嘢順理成章用CG。成日都話劇本應有就有，冇就冇，今次隻『招財』都係寫到怪獸仔，因為劇本需要至創造出嚟。」
回應 (0)
