Julio自嘲似壞人

【蘋果日報】Soler成員Julio和朱紫嬈等昨日在深水埗出席音樂頒獎禮，Soler獲至尊歌手獎項，弟弟Dino身在加拿大做湊仔公，剩下Julio單拖出席，他受訪時笑言：「攞到至尊歌手咁高位置，空氣好稀薄有啲唞唔到氣。」他又透露日內就會跟Dino一同返內地拍電影，當中有槍戰及動作場面，問到飾演哪個角色？他笑言：「做壞人囉，我哋個樣似嘛。」
另外，朱紫嬈憑早前推出的Hi-Fi碟奪靚聲錄音專輯獎，稱今次是第二張個人Hi-Fi專輯：「 好高興聽眾鍾意，已經要再度加印。」她又透露今次專輯成功除多謝老闆，特別要多謝葉振棠：「棠哥今次幫咗好多，包括錄音同混音方面，所以早前已經請咗佢同老闆一齊打邊爐慶祝。」
採訪、攝影：曹家誠
長青網 - 一站式長者及護老者生活資訊網站