惠英紅演舞台劇爛聲

【蘋果日報】惠英紅、葉念琛、小肥與黃心美等，前晚在旺角出席迷你劇《心冤》首映禮。小紅姐近日忙演出舞台劇，她說：「呢兩日有得休息，不過我覺得把聲麻麻，所以聽日會去做針灸，講嘢都唔會太大聲。我個角色係大癲大肺，成日喺情緒高漲下講嘢，可能我唔識得收放，所以影響咗把聲。」她坦言擔心把聲有事會影響演出，因此要好好保護，不敢亂吃東西，盡量清淡。
雖然演舞台劇令聲音受損，但小紅姐笑言沒有因此嚇怕做舞台劇：「唔係怕，只係覺得需要嘅時間好長，今次由籌備綵排到公演，用咗兩個幾月嘅時間，我好少同一樣嘢都要用咗咁長時間，所以每晚都要加插少少嘢，睇落有啲新鮮感。」完成舞台劇後，小紅姐會為新戲開工，到農曆新年才放假。
採訪：黃曉妍
攝影：陳慧安
長青網 - 一站式長者及護老者生活資訊網站