明哥致辭自我審查

【蘋果日報】達明一派今年獲港台頒最高榮譽金針獎，黃耀明前晚在台上致辭時，坦言內容被過濾。明哥在慶功宴上被問刪減了甚麼內容？他說：「係我自己刪嘅，喺人哋舞台始終唔方便講，其實我想講國歌法、國旗法等等嘅嘢，嚟緊有更加多嘅紅線影響香港，創作自由會更加低，令香港本身有嘅特色冇晒。」
工作影響好大
問到這情況會否影響創作？劉以達說：「唔會影響達明創作，但工作影響好大。」明哥再說：「因為我哋要堅持創作，要付上代價，就係冇工開，多謝唱片公司陪住我哋。」雖然面對的環境惡劣，不過達明依然堅持錄新專輯，明哥透露正申請場地開騷：「希望喺今年內，我哋有個瘋狂嘅idea，但唔啱喺紅館做，預計會開好多場。」
明哥前晚在fb留言：「很多謝香港電台今次頒這個獎給我們，亦感謝他們在籌備演出的整個過程，對我們的尊重，沒有任何干預，所以有人猜測我們的說話被過濾了，其實是自己被自己過濾——這就是所謂的自我審查。希望有一天我們都毫無掛慮，暢所欲言。」再配以《禁色》歌詞「願某地方，不需將愛傷害，抹煞內心的色彩。願某日子，不需苦痛忍耐，將禁色盡染在夢魂外。」表達心意。
採訪：盧妹
攝影：陳俊強
長青網 - 一站式長者及護老者生活資訊網站