新聞類別
娛樂
詳情#
【蘋果日報】陳凱琳（Grace）、網絡名人林慧韡（達哥）及杜小喬昨日在旺角街頭出席一連鎖快餐店宣傳活動。懷有身孕的Grace身材明顯升級不少，但仍穿着三吋高踭鞋上陣。談到身材升級，Grace接受訪問時笑言自己不知升了多少，不過屬於正常，她說：「自己每日望住個肚大，覺得好神奇，估唔到身體慢慢轉變，感覺良好，好健康。食嘢方面自己少食多餐，但量唔多，有時夜晚12點幾1點都要食嘢，自己鍾意食湯麵，嘉穎話會煲湯畀我飲，但我仲等緊佢煲湯。」問到晚上有否要求老公嘉穎外出買消夜時，她表示未試過，而且嘉穎非常細心，一朝早就已經準備好。
轉軚愛鹹食中餐
Grace又說自懷孕之後，進食的口味都有改變，以前鍾意吃西餐，現在愛上吃鹹食和中餐，又很喜歡食煎炸食物。其間Grace又不忘晒幸福，她說：「嘉穎依家對自己都特別溫柔，今日出門口之前，都同BB講話小心啲睇住媽咪。」
嘉穎本身是快餐店代言人，昨日找老婆接棒宣傳，Grace說：「嘉穎今日出門口之前，都有同佢位高層朋友打過招呼。」至於會否夫妻檔上陣？她表示：「唔知，最好啦！難得可以一齊拍廣告。」但就笑言BB出世後暫時未可以吃炸雞，所以未合適一家三口拍廣告。
同時，Grace又透露暫時未接到母嬰產品廣告，一切順其自然，因為現在容易攰及經常眼瞓，不時要休息，所以短期內都不會拍劇，因為怕影響劇組進度。同時，她和嘉穎已替BB想了幾個英文名，而中文名會留給父母改，相信到出世時就會有定案。
採訪：張俊銘
攝影：沈健程
長青網 - 一站式長者及護老者生活資訊網站
回應 (0)
