新聞類別
娛樂
詳情#
【蘋果日報】
前日係李麗珍（珍妹）嘅53歲生日，雖然生日年年有，之不過近年珍妹嘅生活都好低調，莫講話慶祝生日，基本上連普通嘅社交生活都好少見佢貼相，除咗做嘢之外，佢大部份時間都喺加拿大陪囡囡。話晒珍妹喺娛樂圈打滾幾十年，當然識咗唔少朋友，好姊妹張文慈（Pinky）同埋關禮傑、吳嘉麗、巨聲幫嘅陳國峰、坤哥吳業坤一班朋友，齊齊為珍妹慶祝生日，前晚仲喺微博晒合照。
做Gym練人魚線
相中珍妹嘅狀態好好，一啲都唔似53歲，唔少網民留言讚珍妹凍齡有術，事實上近期珍妹似乎活躍咗好多，最近搵咗老友陳國峰做健身教練，話目標係練出人魚線，佢又喺Ig貼咗好多同朋友見面嘅相，原來背後統統有段故，噚日珍妹喺Ig繼續分享同朋友聚會嘅相兼留言話：「這七年來都沒特意慶祝，但今年生日過得特別快樂，之前過着一塌糊塗嘅感情生活，使得自己抑鬱了很久，一直都不願意去面對大眾，把自己封閉，多得一班朋友對我的用心，沒有放棄及離開我，令我終於都開竅，明白到日子都總要過，失去了愛情，但原來身邊還有一班支持我的人，終於明白自己並不孤單，多謝朋友們，也希望大家像我一樣，可以走出黑暗，不用怕，再難過的都會過，謝謝！#國峰督促我運動keepFit#坤哥有時指點我唱歌。」
撰文：馮仁昭
長青網 - 一站式長者及護老者生活資訊網站
前日係李麗珍（珍妹）嘅53歲生日，雖然生日年年有，之不過近年珍妹嘅生活都好低調，莫講話慶祝生日，基本上連普通嘅社交生活都好少見佢貼相，除咗做嘢之外，佢大部份時間都喺加拿大陪囡囡。話晒珍妹喺娛樂圈打滾幾十年，當然識咗唔少朋友，好姊妹張文慈（Pinky）同埋關禮傑、吳嘉麗、巨聲幫嘅陳國峰、坤哥吳業坤一班朋友，齊齊為珍妹慶祝生日，前晚仲喺微博晒合照。
做Gym練人魚線
相中珍妹嘅狀態好好，一啲都唔似53歲，唔少網民留言讚珍妹凍齡有術，事實上近期珍妹似乎活躍咗好多，最近搵咗老友陳國峰做健身教練，話目標係練出人魚線，佢又喺Ig貼咗好多同朋友見面嘅相，原來背後統統有段故，噚日珍妹喺Ig繼續分享同朋友聚會嘅相兼留言話：「這七年來都沒特意慶祝，但今年生日過得特別快樂，之前過着一塌糊塗嘅感情生活，使得自己抑鬱了很久，一直都不願意去面對大眾，把自己封閉，多得一班朋友對我的用心，沒有放棄及離開我，令我終於都開竅，明白到日子都總要過，失去了愛情，但原來身邊還有一班支持我的人，終於明白自己並不孤單，多謝朋友們，也希望大家像我一樣，可以走出黑暗，不用怕，再難過的都會過，謝謝！#國峰督促我運動keepFit#坤哥有時指點我唱歌。」
撰文：馮仁昭
長青網 - 一站式長者及護老者生活資訊網站
回應 (0)
