新聞類別
娛樂
詳情#
【蘋果日報】
現年33歲、效力香港飛馬嘅香港足球員陳肇麒（陳七）早年事業順風順水，但因緋聞太多，更因被爆背女友、前組合MVG成員劉雅婷（Toby）拖女上酒店，同埋成日當街食煙，俾當時效力嘅南華球會老闆羅傑承炒魷魚，唔少廣告商同佢解除合作關係。
轉戰攤位遊戲
不過，陳七2014年翻冧Toby後，2016年仲添咗個仔，佢升呢做爹哋後經常都被影到同Toby、囝囝一齊出街。日前陳七俾《蘋果》喺中環見到佢帶同兩歲多嘅囝囝，同埋6、7位親友去嘉年華玩，雖然同行唔見Toby蹤影，但陳七自己一個照顧囝囝，似乎都冇難度，全程用其壯闊嘅手臂抱實囝囝，完全唔使身邊人幫手。
當日大約下晝4點幾，陳七抱住囝囝喺嘉年華場內四圍巡，估計佢最初想睇吓有乜嘢機動遊戲啱兩歲幾嘅囝囝玩，無奈囝囝年紀太細，根本未達安全高度，結果兩父子就去玩攤位遊戲，陳七幫囝囝贏到玩具嗰陣，更一度高舉雙手，比囝囝更加興奮。當日，陳七其實都有推手推車入場，但可能現場太多人，佢唔想囝囝被撞倒，大部份時間都係抱住囝囝，完全唔捨得放囝囝自己行，就算囝囝落地企一陣，陳七視線都一直唔會離開，果然係稱職爹哋。
撰文：馮仁昭
長青網 - 一站式長者及護老者生活資訊網站
現年33歲、效力香港飛馬嘅香港足球員陳肇麒（陳七）早年事業順風順水，但因緋聞太多，更因被爆背女友、前組合MVG成員劉雅婷（Toby）拖女上酒店，同埋成日當街食煙，俾當時效力嘅南華球會老闆羅傑承炒魷魚，唔少廣告商同佢解除合作關係。
轉戰攤位遊戲
不過，陳七2014年翻冧Toby後，2016年仲添咗個仔，佢升呢做爹哋後經常都被影到同Toby、囝囝一齊出街。日前陳七俾《蘋果》喺中環見到佢帶同兩歲多嘅囝囝，同埋6、7位親友去嘉年華玩，雖然同行唔見Toby蹤影，但陳七自己一個照顧囝囝，似乎都冇難度，全程用其壯闊嘅手臂抱實囝囝，完全唔使身邊人幫手。
當日大約下晝4點幾，陳七抱住囝囝喺嘉年華場內四圍巡，估計佢最初想睇吓有乜嘢機動遊戲啱兩歲幾嘅囝囝玩，無奈囝囝年紀太細，根本未達安全高度，結果兩父子就去玩攤位遊戲，陳七幫囝囝贏到玩具嗰陣，更一度高舉雙手，比囝囝更加興奮。當日，陳七其實都有推手推車入場，但可能現場太多人，佢唔想囝囝被撞倒，大部份時間都係抱住囝囝，完全唔捨得放囝囝自己行，就算囝囝落地企一陣，陳七視線都一直唔會離開，果然係稱職爹哋。
撰文：馮仁昭
長青網 - 一站式長者及護老者生活資訊網站
回應 (0)
