【娛樂人物】惠英紅重口味Upgrade

【蘋果日報】金像影后惠英紅近年鮮有拍攝港劇，事關現年58歲的她仍不言退，拒絕機械式拍攝運作，最好開工令她日日保持情緒及腎上腺素飆升感覺。近日，惠英紅接拍由葉念琛執導的迷你劇，題材沉重又血腥，場面尺度極為重口味，惠英紅表示時至今日，拍劇追求就是要似打仗，方可提升自己。
惠英紅最近為FOX製作的香港迷你劇《心冤》演出，劇集講述香港奇案，集合三個兇殺肢解案件故事，劇集主題沉重又血腥，尺度重口味，惠英紅與導演葉念琛日前接受《蘋果》專訪，惠英紅說：「我希望所有作品出嚟係高水準，畀觀眾譁然感，最好開工令我腎上腺飆升，好似打仗咁提升自己，我依家追求呢啲，正統劇集可返內地拍，片酬更高。」
前晚播出的第三集《羅生門雙屍案》，故事重演大角嘴肢解父母案，由吳肇軒演弒雙親的兇手，之後嫁禍飾演弱智人士的好友阮德鏘，阮德鏘繪影繪聲形容放血的情況，以及拎刀肢解屍體場面，之後吳肇軒被釋放後火化父母殘餘內臟，畫面都很震撼。
日日見謝君豪
惠英紅透露拍攝該劇另一大收穫是與謝君豪合作：「佢畀咗好多surprise我，第一日開工到最尾都一齊，簡直相逢恨晚，好似識咗好耐，合作時好開心，好多年未試過同一個資歷同影齡有咁上下高嘅人合作。」惠英紅對劇中新人如吳肇軒、胡子彤、阮德鏘與談善言等都有讚冇彈：「今次新人好好，好尊重自己職業，不斷問我場戲點做會好啲，我幾開心，見到班新血唔hea。」
食完鮑魚開工
導演葉念琛是首次挑戰拍劇集，題材更不是他撚手的愛情作品，談到找惠英紅及黃秋生等影后、影帝級人馬拍劇，葉念琛指沒壓力：「我唔驚被拒絕，傾演員同約女仔食飯一樣，要開口，我先搵紅姐，同佢講古仔，紅姐好爽快，餐飯未食夠半個鐘就答應。」惠英紅搞笑說：「食完鮑魚仲唔答應？」她最初拒絕拍打戲，不過最後還是破例露兩手：「我宣佈咗封刀，後尾去到現場，導演度畀我嗰啲動作，我就話我幫你啦！我唔當一回事，真正打好辛苦㗎！」
撰文：卓寶花
攝影：仇志德
化妝：小白
髮型：James Lee of HAiR
服裝提供：CONNESSE
長青網 - 一站式長者及護老者生活資訊網站