新聞類別
娛樂
詳情#
【蘋果日報】
張家輝曾經為拍戲操到好大隻，擁有鋼條型嘅骨架，不但女人睇到嘩嘩聲，連男人見到都一樣羨慕。不過，隨住電影拍完，就好難有機會見到佢嘅body，估唔到早排佢拍賀歲片《廉政風雲．煙幕》，竟然會有落水戲，正當大家以為機會嚟嘅時候，估唔到家輝竟然着住衫落水，真係好失望囉！
試水溫嗌凍
講番嗰場戲，家輝係要俾一個小妹妹從後推落水，拍攝當日天氣都幾凍，但冰凍嘅池水冇影響家輝嘅專業，仲一take過拍完冇NG，為咗要順利完成呢場艱難戲份，而家輝落水前其實亦已做好準備工夫，佢先同導演試戲度位，但當一切準備就緒後，家輝先諗起去試吓水溫，點知佢一伸手落池水就即刻大叫：「嘩！真係冰水嚟㗎喎！」睇番身邊嘅工作人員個個都着住厚褸，家輝就只係着住件長袖tee，真係好大對比。
大家見到家輝咁專業，當然都錫住佢啦，佢一上水，工作人員就即刻畀毛巾佢包住個身，問到家輝冬天要拍落水戲嘅感受係點？家輝就好輕鬆咁話：「盡做！」
撰文：馮仁昭
長青網 - 一站式長者及護老者生活資訊網站
張家輝曾經為拍戲操到好大隻，擁有鋼條型嘅骨架，不但女人睇到嘩嘩聲，連男人見到都一樣羨慕。不過，隨住電影拍完，就好難有機會見到佢嘅body，估唔到早排佢拍賀歲片《廉政風雲．煙幕》，竟然會有落水戲，正當大家以為機會嚟嘅時候，估唔到家輝竟然着住衫落水，真係好失望囉！
試水溫嗌凍
講番嗰場戲，家輝係要俾一個小妹妹從後推落水，拍攝當日天氣都幾凍，但冰凍嘅池水冇影響家輝嘅專業，仲一take過拍完冇NG，為咗要順利完成呢場艱難戲份，而家輝落水前其實亦已做好準備工夫，佢先同導演試戲度位，但當一切準備就緒後，家輝先諗起去試吓水溫，點知佢一伸手落池水就即刻大叫：「嘩！真係冰水嚟㗎喎！」睇番身邊嘅工作人員個個都着住厚褸，家輝就只係着住件長袖tee，真係好大對比。
大家見到家輝咁專業，當然都錫住佢啦，佢一上水，工作人員就即刻畀毛巾佢包住個身，問到家輝冬天要拍落水戲嘅感受係點？家輝就好輕鬆咁話：「盡做！」
撰文：馮仁昭
長青網 - 一站式長者及護老者生活資訊網站
回應 (0)
