新聞類別
娛樂
詳情#
【蘋果日報】【爆相爆片】吳家樂喺06年被爆同其士集團太子女周蕙蕙結婚，雖然佢哋背景懸殊，但係都無阻呢段關係嘅發展，婚後佢哋生咗3名子女，包括大女Nadia同孖仔Nigel、Nathan，一家五口過住幸福嘅家庭生活。做咗人夫兼爹哋嘅吳家樂，一直都好努力工作，不過只要有時間，佢都會同太太帶埋三個仔女出去旅行，享受吓天倫樂！日前吳家樂夫婦帶3名子女到東京迪士尼玩，俾《蘋果》讀者何先生透過「爆相爆片」分享溫馨家庭樂。
幫仔女圍頸巾
家樂嘅外父係已故其士集團主席周亦卿，周亦卿於去年7月離世，估計其遺產最少達45億元，雖然周蕙蕙出生於富有家庭，但係生活依然好簡樸，何先生接受電話訪問時話：「嗰日朝早6點半，我喺新宿嘅酒店等專車去迪士尼，見到佢哋一家五口排隊上車，佢哋全程好有禮貌，講嘢好斯文，唔會嘈喧巴閉，似足阿媽咁好教養，兩公婆好恩愛，對仔女照顧無微不至，吳家樂落車後即刻幫仔女圍好頸巾，完全係傳聞中嘅二十四孝爸爸。」
16年家樂喺無綫頒獎禮奪得「專業演員大獎」，佢喺台上激動落淚感謝老婆鼓勵：「冇諗過有機會攞獎，好多人想多謝，在心中，好多謝父母、老婆……老婆話好在我唔係好紅，多時間陪佢哋！老婆我愛你。」
長青網 - 一站式長者及護老者生活資訊網站
幫仔女圍頸巾
家樂嘅外父係已故其士集團主席周亦卿，周亦卿於去年7月離世，估計其遺產最少達45億元，雖然周蕙蕙出生於富有家庭，但係生活依然好簡樸，何先生接受電話訪問時話：「嗰日朝早6點半，我喺新宿嘅酒店等專車去迪士尼，見到佢哋一家五口排隊上車，佢哋全程好有禮貌，講嘢好斯文，唔會嘈喧巴閉，似足阿媽咁好教養，兩公婆好恩愛，對仔女照顧無微不至，吳家樂落車後即刻幫仔女圍好頸巾，完全係傳聞中嘅二十四孝爸爸。」
16年家樂喺無綫頒獎禮奪得「專業演員大獎」，佢喺台上激動落淚感謝老婆鼓勵：「冇諗過有機會攞獎，好多人想多謝，在心中，好多謝父母、老婆……老婆話好在我唔係好紅，多時間陪佢哋！老婆我愛你。」
長青網 - 一站式長者及護老者生活資訊網站
回應 (0)
