陳慧琳囝囝中流感怕死

【蘋果日報】陳慧琳（Kelly）昨日在觀塘出席商場迎新歲活動，Kelly今年將努力儲新歌，為明年入行25周年紅館演唱會作準備。Kelly為遷就兒子放假，希望能夠申請暑假檔期，不過Kelly又先聲明不會性感騷身材。提到劉德華入紙年尾補辦演唱會失敗，Kelly建議華仔可在博覽館或中環開騷。
最近流感肆虐，Kelly爆細仔劉琛亦中招，患上甲型流感，Kelly說：「佢要『坐監』隔離幾日，好心痛，起病嘅時候已經有40度高燒，成日話好熱想除衫，食咗特敏福，依家冇事都安心晒。」Kelly還爆兩兄弟在家的搞笑對白，她說：「大仔（劉昇）問我細佬係咪會死，因為細佬成日瞓，又唔畀佢入房，細仔都有問自己係咪會死，叫我哋救佢。」
採訪、攝影：羅慧敏
長青網 - 一站式長者及護老者生活資訊網站