新聞類別
娛樂
詳情#
【蘋果日報】
現年19歲嘅「小龍女」吳卓林，上年11月突然宣佈同大過佢12年嘅加拿大網紅女友Andi結婚，婚後決定由加拿大返港定居。據講，卓林媽咪吳綺莉一直唔接受Andi，所以卓林最初返港都冇搬返去吳綺莉嘅大坑寓所居住，月前曾經租住旺角一間賓館，但因為欠租2,250蚊，搞到報警收場，最後要吳綺莉出手相救。但卓林返大坑寓所住咗幾日後，最近又同Andi搬返出去住。
唔會搬返屋企
讀者韋先生透過《蘋果》「爆相爆片」，直擊卓林同Andi日前上午十點幾喺元朗安寧路，見到卓林拎住一個大行李箱，而Andi就孭住一個背囊同小結他，兩人似乎又要搬屋。韋先生話：「當時好多舖頭都未開，佢哋拎住好多嘢似搬屋，企咗喺條街度大約15至20分鐘，唔知等乜。」
聯絡過卓林，佢承認搵緊地方住：「唔會搬返屋企喇，之前開咗間製作公司有啲收入，最近攞到匯款，所以OK，只係搵地方比較難。」而卓林同Andi近日已積極搵錢，早前Andi喺Ig透露幫緊一個女同志嘅交友app宣傳，佢晒出一張卓林喺後面攬住佢嘅合照，並留言指佢哋公司會與女同志交友app合作，又提供佢哋喺app上面嘅賬戶號碼叫大家follow。而卓林幫手宣傳外，仲上載咗一張揮春相，話好期待農曆新年來臨。
至於吳綺莉日前亦有更新社交網，佢透露自己閒時會畫畫，佢上載一張金魚畫然後留言：「自己都覺得不好意思，畫了三個月都還沒畫完，慢畫。」生活似乎都好寫意。
撰文：馮仁昭
長青網 - 一站式長者及護老者生活資訊網站
現年19歲嘅「小龍女」吳卓林，上年11月突然宣佈同大過佢12年嘅加拿大網紅女友Andi結婚，婚後決定由加拿大返港定居。據講，卓林媽咪吳綺莉一直唔接受Andi，所以卓林最初返港都冇搬返去吳綺莉嘅大坑寓所居住，月前曾經租住旺角一間賓館，但因為欠租2,250蚊，搞到報警收場，最後要吳綺莉出手相救。但卓林返大坑寓所住咗幾日後，最近又同Andi搬返出去住。
唔會搬返屋企
讀者韋先生透過《蘋果》「爆相爆片」，直擊卓林同Andi日前上午十點幾喺元朗安寧路，見到卓林拎住一個大行李箱，而Andi就孭住一個背囊同小結他，兩人似乎又要搬屋。韋先生話：「當時好多舖頭都未開，佢哋拎住好多嘢似搬屋，企咗喺條街度大約15至20分鐘，唔知等乜。」
聯絡過卓林，佢承認搵緊地方住：「唔會搬返屋企喇，之前開咗間製作公司有啲收入，最近攞到匯款，所以OK，只係搵地方比較難。」而卓林同Andi近日已積極搵錢，早前Andi喺Ig透露幫緊一個女同志嘅交友app宣傳，佢晒出一張卓林喺後面攬住佢嘅合照，並留言指佢哋公司會與女同志交友app合作，又提供佢哋喺app上面嘅賬戶號碼叫大家follow。而卓林幫手宣傳外，仲上載咗一張揮春相，話好期待農曆新年來臨。
至於吳綺莉日前亦有更新社交網，佢透露自己閒時會畫畫，佢上載一張金魚畫然後留言：「自己都覺得不好意思，畫了三個月都還沒畫完，慢畫。」生活似乎都好寫意。
撰文：馮仁昭
長青網 - 一站式長者及護老者生活資訊網站
回應 (0)
