重返香港暖在心頭

【蘋果日報】十多年沒拍港產片的恬妞，近年主力在內地及台灣拍劇拍電影。今次接拍《如珠如寶》，恬妞是被故事吸引︰「係大師（林敏驄）搵我返嚟！佢哋話想個角色有喜感又係老人家，又想個樣後生啲喎！我就係俾個劇本打動，佢喚醒年輕人關心父母，呢個主旨好好，同班後生演員一齊拍，我好多嘢學。」拍到尾聲時，剛巧恬妞姐夫岳華逝世，她特別感謝導演林敏驄幫忙度過悲傷心情，讓她專心拍完戲份。
談到今次回歸香港，濃濃的人情味令恬妞暖在心︰「我真係好掛住香港，今次返嚟，無論坐的士、去街市、上餐館，個個都同我講：『你返嚟喇！你拍戲我哋一定捧場。』我覺得返得嚟啱，我一定要帶開心畀大家。只要有人搵，我可以推其他工作返嚟，好感激你哋咁多年都冇忘記我。」
長青網 - 一站式長者及護老者生活資訊網站