新聞類別
娛樂
詳情#
【蘋果日報】
【澳門直擊】佘詩曼、余文樂、苟芸慧同老公陸漢洋、MIRROR等噚日喺澳門出席特技匯演，愛揸快車嘅阿佘原來試過被扣晒分︰「我鍾意速度感，不過香港好多地方影快相，我都唔敢揸得快，試過一次扣晒分，係你哋train我。」又話幾年前錢嘉樂叫過佢參加賽車比賽，但媽咪偷聽到佢講電話，唔批准，佢話：「我都想試吓，但怕自己太盡力，之前都有學過一堂飄移。」
講到內地劇《延禧攻略》拍檔吳謹言近日演技被彈，阿佘幫口話︰「點解咁講？佢好努力，亦肯聽前輩意見，係個好對手，佢咁幼嫩，大家畀時間佢進步啦。」
苟芸慧甜到漏
苟芸慧夫婦以紅、黑情侶裝現身，衣着襯到絕，苟芸慧甜到漏話︰「啲衫係老公揀，我哋平時少着情侶裝，不過難得老公陪我睇靚仔，佢話事囉。」陸漢洋隨即話︰「件紅恤衫十幾年冇着，擺喺倉底，過年就摷出嚟襯吓。呢類型嘅騷我喺外國睇好多，但今次特別喺咁細嘅地方玩賽車，我都好期待，啲特技人好厲害，但我就冇喺呢方面發展。」苟芸慧聽見後，好緊張話︰「佢想我都唔畀，因為太危險，佢每次賽車我都擔心，為佢祈禱保平安。」
胡杏兒飄孕味
同場嘅胡杏兒低胸搶鏡，見佢身形圓潤有少少孕味，問佢係咪再懷孕？佢話︰「我不嬲都咁澎湃，不過為配合大會主題狂野啲！都想生豬BB，我生肖係羊，老公係牛，囝囝係雞，生多隻豬，可以湊成個農場，努力中，有好消息一定公佈。」
余文樂以代言人身份現身，但佢話唔會表演：「太危險，自己又冇時間練。」講到囝囝，佢即慈父上身︰「個仔開始曳，成日令媽咪好攰。」對於之前目擊陳貝兒撞車被讀者影低，余文樂話因為陳貝兒背住佢，並唔知係對方。
撰文：馮仁昭
【澳門直擊】佘詩曼、余文樂、苟芸慧同老公陸漢洋、MIRROR等噚日喺澳門出席特技匯演，愛揸快車嘅阿佘原來試過被扣晒分︰「我鍾意速度感，不過香港好多地方影快相，我都唔敢揸得快，試過一次扣晒分，係你哋train我。」又話幾年前錢嘉樂叫過佢參加賽車比賽，但媽咪偷聽到佢講電話，唔批准，佢話：「我都想試吓，但怕自己太盡力，之前都有學過一堂飄移。」
講到內地劇《延禧攻略》拍檔吳謹言近日演技被彈，阿佘幫口話︰「點解咁講？佢好努力，亦肯聽前輩意見，係個好對手，佢咁幼嫩，大家畀時間佢進步啦。」
苟芸慧甜到漏
苟芸慧夫婦以紅、黑情侶裝現身，衣着襯到絕，苟芸慧甜到漏話︰「啲衫係老公揀，我哋平時少着情侶裝，不過難得老公陪我睇靚仔，佢話事囉。」陸漢洋隨即話︰「件紅恤衫十幾年冇着，擺喺倉底，過年就摷出嚟襯吓。呢類型嘅騷我喺外國睇好多，但今次特別喺咁細嘅地方玩賽車，我都好期待，啲特技人好厲害，但我就冇喺呢方面發展。」苟芸慧聽見後，好緊張話︰「佢想我都唔畀，因為太危險，佢每次賽車我都擔心，為佢祈禱保平安。」
胡杏兒飄孕味
同場嘅胡杏兒低胸搶鏡，見佢身形圓潤有少少孕味，問佢係咪再懷孕？佢話︰「我不嬲都咁澎湃，不過為配合大會主題狂野啲！都想生豬BB，我生肖係羊，老公係牛，囝囝係雞，生多隻豬，可以湊成個農場，努力中，有好消息一定公佈。」
余文樂以代言人身份現身，但佢話唔會表演：「太危險，自己又冇時間練。」講到囝囝，佢即慈父上身︰「個仔開始曳，成日令媽咪好攰。」對於之前目擊陳貝兒撞車被讀者影低，余文樂話因為陳貝兒背住佢，並唔知係對方。
撰文：馮仁昭
回應 (0)
