新聞類別
娛樂
詳情#
【蘋果日報】人生最幸運的事，除有幸福的家庭、健康的身體外，莫過於遇到知心朋友，大家一齊共患難，富貴共享。對於現年54歲、前樂隊幕後玩家主音羅金榮而言，絕對深切體會，96年因為借地方給黃子華拍電影，從此結下不解緣。
撰文：鄉奈仁
攝影：葉君海
羅金榮（Wing）95年組樂隊幕後玩家，可惜出道短短兩年，因唱片公司倒閉被迫解散，成員各散東西，Wing由幕前轉到幕後，輾轉去了鍾鎮濤的錄音室工作，其後試過自資出唱片，更加是Busking始祖，對音樂充滿熱誠，黃子華唱的《男親女愛》主題曲《藍天》，就是由羅金榮作曲。可惜機會並沒有留給有準備的他，因為過於擔憂前途，Wing於13年確診患上焦慮症，現在仍需定期覆診及服藥，不過他認為最差的日子已過去，反而感恩上天給他遇上黃子華這位好兄弟。
預支人工
談到與子華的相識經過，他深信一切都是緣份：「我哋喺85年有一面之緣，真正認識係喺96年。」因為當時有一部電影想找一間舊屋取景，結果任職場務的兄長提議將屋出租，他笑說：「本來嗰日諗住早啲返屋企打個招呼，點知返到屋企樓下，子華已經上車離開。」想不到在同一個晚上，Wing竟在尖沙嘴一間酒吧碰上子華，Wing笑說：「我朋友介紹咗我哋認識，子華仲同我講，佢下晝去咗一間屋拍戲，相信屋主好鍾意音樂，因為佢喺其中一間房，見到好多結他，又有一張大poster，我就笑住講出掛喺房入面嘅poster係點嘅樣，然後話畀佢知，間房係我㗎，大家都覺得好神奇！」自此之後，Wing與子華成為好朋友：「每次佢覺得我好似冇乜消息，冇job做，就會主動搵我出嚟食飯，然後話要畀定上期我，book定我幫手做騷，其實佢就係想預支人工畀我，真係好感動！」
前世兄弟
Wing續說：「有時我真係會諗，我同佢前世可能係親兄弟，我最記得當年我自資出唱片，佢為咗撐我，竟然半跪式向傳媒請求，叫大家報道一下我，佢就係一個咁嘅人，真係好好，對我嘅支持唔係一時，係永遠支持我，就連黃媽媽都咁樣講，真係好難得。」
場地提供：Ember
長青網 - 一站式長者及護老者生活資訊網站
撰文：鄉奈仁
攝影：葉君海
羅金榮（Wing）95年組樂隊幕後玩家，可惜出道短短兩年，因唱片公司倒閉被迫解散，成員各散東西，Wing由幕前轉到幕後，輾轉去了鍾鎮濤的錄音室工作，其後試過自資出唱片，更加是Busking始祖，對音樂充滿熱誠，黃子華唱的《男親女愛》主題曲《藍天》，就是由羅金榮作曲。可惜機會並沒有留給有準備的他，因為過於擔憂前途，Wing於13年確診患上焦慮症，現在仍需定期覆診及服藥，不過他認為最差的日子已過去，反而感恩上天給他遇上黃子華這位好兄弟。
預支人工
談到與子華的相識經過，他深信一切都是緣份：「我哋喺85年有一面之緣，真正認識係喺96年。」因為當時有一部電影想找一間舊屋取景，結果任職場務的兄長提議將屋出租，他笑說：「本來嗰日諗住早啲返屋企打個招呼，點知返到屋企樓下，子華已經上車離開。」想不到在同一個晚上，Wing竟在尖沙嘴一間酒吧碰上子華，Wing笑說：「我朋友介紹咗我哋認識，子華仲同我講，佢下晝去咗一間屋拍戲，相信屋主好鍾意音樂，因為佢喺其中一間房，見到好多結他，又有一張大poster，我就笑住講出掛喺房入面嘅poster係點嘅樣，然後話畀佢知，間房係我㗎，大家都覺得好神奇！」自此之後，Wing與子華成為好朋友：「每次佢覺得我好似冇乜消息，冇job做，就會主動搵我出嚟食飯，然後話要畀定上期我，book定我幫手做騷，其實佢就係想預支人工畀我，真係好感動！」
前世兄弟
Wing續說：「有時我真係會諗，我同佢前世可能係親兄弟，我最記得當年我自資出唱片，佢為咗撐我，竟然半跪式向傳媒請求，叫大家報道一下我，佢就係一個咁嘅人，真係好好，對我嘅支持唔係一時，係永遠支持我，就連黃媽媽都咁樣講，真係好難得。」
場地提供：Ember
長青網 - 一站式長者及護老者生活資訊網站
回應 (0)
