新聞類別
娛樂
詳情#
【蘋果日報】【爆相爆片】港男冠軍出身的翟威廉和陳庭欣暗撻五年，分手後亦跟劉佩玥傳過緋聞。原來單身多年的翟威廉近日感情有着落，被本報讀者陳先生透過「爆相爆片」踢爆他和歌手麥貝夷在旺角撐枱腳食薄餅，而且更由他埋單。
翟負責畀錢
讀者陳先生透露日前在旺角發現翟威廉和麥貝夷出雙入對，疑似拍拖，陳先生說：「嗰晚8點幾，我喺旺角見到佢哋，當時冇乜人留意佢哋，因為自己有睇開TVB劇，細個又成日聽麥貝夷嘅《勾手指尾》，所以認到佢哋。佢哋喺餐廳外面睇咗一陣，之後入咗pizza店搵位，我見到翟威廉攞銀包出嚟，畀錢麥貝夷去排隊買嘢食，佢就霸位。佢哋坐雙人枱，一定冇約其他朋友。」
陳先生指最初發現翟威廉和麥貝夷一齊時，都覺得有點好奇：「直至見到男仔畀錢女仔買嘢食，都知佢哋係乜嘢關係，後來翟威廉周圍望，好似發現我影相。」相中可見翟威廉當日戴cap帽，跟麥貝夷同樣打扮低調。
32歲的麥貝夷，當年與鍾一憲合唱《勾手指尾》為人熟悉。前年她承認跟樂隊KillerSoap成員陳樂恆拍拖，到去年宣佈分手。而出身中產家庭的33歲翟威廉，前年跟胞兄合資300多萬元買入旺角一個工廈單位作「直播室」，經常與麥明詩、何廣沛等在上址夾歌，麥貝夷都是常客，可能因此擦出愛火花。
認成日一齊
翟威廉回覆傳媒時照例否認戀情，他說：「我哋夾歌，成日一齊食飯，同女仔食飯一定我畀錢，但唔係拍拖。」被問到二人發展機會時，他稍有保留：「真係唔知，好難答你。」
採訪：皓騫
長青網 - 一站式長者及護老者生活資訊網站
翟負責畀錢
讀者陳先生透露日前在旺角發現翟威廉和麥貝夷出雙入對，疑似拍拖，陳先生說：「嗰晚8點幾，我喺旺角見到佢哋，當時冇乜人留意佢哋，因為自己有睇開TVB劇，細個又成日聽麥貝夷嘅《勾手指尾》，所以認到佢哋。佢哋喺餐廳外面睇咗一陣，之後入咗pizza店搵位，我見到翟威廉攞銀包出嚟，畀錢麥貝夷去排隊買嘢食，佢就霸位。佢哋坐雙人枱，一定冇約其他朋友。」
陳先生指最初發現翟威廉和麥貝夷一齊時，都覺得有點好奇：「直至見到男仔畀錢女仔買嘢食，都知佢哋係乜嘢關係，後來翟威廉周圍望，好似發現我影相。」相中可見翟威廉當日戴cap帽，跟麥貝夷同樣打扮低調。
32歲的麥貝夷，當年與鍾一憲合唱《勾手指尾》為人熟悉。前年她承認跟樂隊KillerSoap成員陳樂恆拍拖，到去年宣佈分手。而出身中產家庭的33歲翟威廉，前年跟胞兄合資300多萬元買入旺角一個工廈單位作「直播室」，經常與麥明詩、何廣沛等在上址夾歌，麥貝夷都是常客，可能因此擦出愛火花。
認成日一齊
翟威廉回覆傳媒時照例否認戀情，他說：「我哋夾歌，成日一齊食飯，同女仔食飯一定我畀錢，但唔係拍拖。」被問到二人發展機會時，他稍有保留：「真係唔知，好難答你。」
採訪：皓騫
長青網 - 一站式長者及護老者生活資訊網站
回應 (0)
